[** مسلمة سنية **]

بالنسبة لي فانا حاليا متابعة في كتاب مناظرات عقائدية ..... كما اني اقرأ في المشاركات القديمة لأقف على نقاط الخلاف و التركيز عليها ......

حاسة حالي صرت غريبة في بيئتي ........ كنت زمان انسانة مرحة و حتى باصعب اللحظات كان بامكاني ادخل ضحكة من هون او من هناك لمن حولي ....... اما هلا فانا دايما سرحانة ... محبطة ... و عايشة بعزلة ....

حاسة انو كتير من الحولي حاسين فيا متل زوجي و اختي و امي و اخي و بعض المعلمات ( زميلاتي في العمل ) اللواتي كنت اتناقش معهن في الفترة الأخيرة في الخلاف بين الطرفين ..... حاسة انهم عرفين السبب و انا بحاول اداري .... يعني بالشغل ( بالمدرسة ) صرت دايما بفراغي بالمكتبة و بقرأ في البخاري و المعلمات مستغربات هالشي ........ و دايما بيسألوني شو مالك ؟؟؟؟ ليش ما بنشوفك ؟؟؟؟؟ شو هالاهتمامات المفاجئة ؟؟؟؟؟

اليوم التقيت بأختي و انا مروحة من شغلي بالطريق ..... لأول مرة بحس حالي مرتبكة هيك مع اختي .... و احنا علاقتنا قوية جدا ..... يمكن حست فيا ..... طبعا فتحت معي الموضوع ( و احنا بالشارع ما صبرت لأنو حالي مش خافي عليها ) حسيت اني بتعامل معها بالتقية بدون ما احس !!!!!!!!! لما روحت عالبيت و اتذكرت النقاش حسيت فعلا اني تعاملت معها بالتقية !!!!! اتصلت علي مرتين اليوم و كنت دايما ماشية معها بكلامها ..... حاولت اناقشها .... لكن حسيت انها مصدومة بكلامي .... و حسيت بخوف منها كبير علي .... لهيك اضطريت اخبي عنها .... كمان اذا اختي حست انها مش قادرة تأثر فيا رح تضطر تحكي لأهلي و اهلي رح ينبهوا زوجي .... و رح يصير في ضغط كبير علي ....... عنجد حاسة بوحدة و غربة قاتلة ..... ادعوا لي بالهداية ...

اللهم ارني الحق حقا و ارزقني اتباعه و ارني الباطل باطلا و ارزقني اجتنابه ....

يا رب يا رحمن يا رحيم يا هادي اذا ما هديتني رح اكون من الظالمين الخاسرين ...........