هسة عرفت معنى كلامي من كتلك انتة في منتدى شيعي ؟؟
لان احنة الشيعة ومثل ماشفت الاخوة الاعضاء الكل بدون استثنا ء (تربية اهل البيت عليعم السلام )
نحب السلام والالفة ومواقعنا دفاعية موهجومية ... وماكوفرق بين بني آدم عليه السلام
وقراء هاي القصة ..
كنا عايشين قبل 12 سنة في منطقة / شارع فلسطين في بغداد تعرفه ؟
كنه ساكنين من سنة 1969/ ولحد 2003
المهم في احداث 1990 المشؤمة اخوية الكبير اتاسر بالسعودية وانقطعت اخباره
وكانت الشوارع مقطوعة والمواصلات صعبة وكانت امي ماتكدر اتروح للامامين الكاظمين عليهم السلام
لكن كانت اكوكنيسة مقابل /حي المهندسين في منطقة حي الادريسي اسمه اعتقد كنيسة السيدة مريم اومريمانة
المهم امي كالت اريد اروح للكنيسة عند السيدة الطاهرة مريم عليها السلام وكان هذا الامر عادي عدنة
ولا يوم ابوي منعه لان اصدقائه وجيرانه مسيحين وكانت امي اتروح بين مدة ومدة
أي .. طبعا امي ( أسطة وعلى يمينك بهذه الامور 8_8 ) راحت واخذت دستة شموع وهدية شمعدان وكرسنالات للحلويات
ودخلت لمدة ثلاثة ايام او اسبع وكانت تجلس عند مكان الي يشعلون فيه الشمع وبس اسلم على القس وتكعد تندعي
وتطلب من الله تعالى بحق السيدة مريم عليها السلام وبحق نبي الله عيسى عليه السلام ...
وبجي تشعل شمعة وتطلع ....
ونهاية الامر بين ليلة وضحاها وصل اخوية من الاسر وعلى احسن حال والحمد لله .....
وراحت امي ( الي على يمناك ) ودت جدرية دولمة ووزعته على المصلين وعلى القس ورجعت
يعني صارت ( من معاميلهم 8_8)
العرض الشجري