[الحيدرية]

الروبيان المقلي والمشوي




المكونات

- 2 كيلو ربيان من الحجم الكبير - 1 ملعقة طعام بابريكا - 1 ملعقة طعام بصل مطحون (بودرة) - 1 ملعقة صغيرة ثوم مطحون (بودرة) - 1 ملعقة صغيرة كزبرة مطحونة - 1 ملعقة صغيرة كمون مطحون - نص ملعقة صغيرة فلفل أسود - 1 ونص ملعقة صغيرة ملح أو حسب الرغبة - فلفل حار مطحون حسب الرغبة - عصير 4 ليمونات - طحين لتغطية الربيان

طريقة التحضير

الطريقة .. - يتقشر الربيان ويتنظف وينشال الخيط الاسود وينغسل بالملح والطحين والماي عشان تروح الزفورة .. بعدها نغسله عدل من الطحين والملح ونخليه بتصفا من الماي عدل .. - بعدها الله يسلمكم ويعافيكم نخلط كل مكونات التبيله في مله .. طبعاً ماعدا الطحين .. ونحط الربيان في الخلطه ونخليه يتشرب عدل الخلطه .. تقريباً ساعه في الثلاجه .. - نشك الربيان في الاسياخ الخشب ونغطيه بالطحين ونتخلص من الطحين الزياده .. ونحمره في الزيت .. بالنسبه للعيش (الرز) .. المقادير .. - كوب ونص رز - جزرة مقطعه مكعبات - ربع أو نص كيس بازيلا مجمده - بصلة كبيرة مقطعه شرائح - 1 ونص ملعقة صغيرة ملح أو حسب الرغبة - زبدة وزيت - نص ملعقة صغيرة فلفل أسود الطريقة .. - نسوي البازيلا والجزر في سوية ماي فيه شوية ملح - نحمر البصل في شوية زبدة وزيت وبعدها نصيف عليه البازيلا والجزر والماي اللازم لتسوية الرز والملح والفلفل الاسود والرز ونخليه لحد مايستوي ..