تذكرت مصيبة عجيبة صارت على ايام ولادة زوجتي الله يحفظها وهي ببيت اهلها
قبل 7 شهور تقريبا
وكانت فيه حشرات صغيرة في الشقة والله العالم من وين يجوونها
مع البف باف والتهوية و و
ما في فايدة
وعددهم يزيد
و بدأت ريحة تطلع خصوصا من المطبخ وانا جدا متأزم ومضايقني المكان نظيف
وانا شغال تنظيفات وتبخير وهم ماكو فايدة
طبعا المطبخ صار شبه مهجور واكلي من برا
وسبحان الله بالغلط من جلسة الملل في العادة افتح الثلاجة اتمنظر فيها خخخ هالمرة فتحت الفرن
والمفااااااااااااجئة هالحشرات طلع عشها من الفرن وتطايرت بكل مكان كالفراشات الجميلة بين حقل الزهور خخخخ
وخذ لك الروايح اللي تفتح النفس ><
ومنبع هالحشرات .. صحن رز مع لحم اظن حاولت اتذكر شهالطبق وممتى وتذكرت بعدها :$
انني يوم من الايام جبت صحن الغذا معاي ومالي زاغر غذا
خليته بالفرن ونمت
ونسيته
ويوم على يوم تعفن وصار بيئة صالحة للعفن والحشرات والدود
ولا يطوفكم المنظر .. سواد غير طبيعي ورائحة مسك وعنبر
وع طول خليته بكيس وربطته كذا مرة وللزبالة برا الشقة وانتوا بكرامة
العرض الشجري