[الشاعر الغريب]

بسم الله الرحمن الرحيم

اللهم صل على محمد وال محمد

اللهم انصرنا على من ظلمنا وعادانا



انته وينك يبني شو ماجاوبت

يبني كلبي ملتهب بالانتظــــــــــــــار

تدري جم مره علــيكم خابرت

صار ظلمه بعيني يايمه النهـــــــــار

يمه اعذريني تــراني اتأخرت

يمه جيت وبالدرب صار انفجــــــــار

والله ماهمني ييمه اتصوبــــت

يمه شفت بعيني نيران وشــــــــــرار

يمه طبيت بوسطهه وما خفـــت

ورددت يم الجمع اعــــــــــــظم شعار

صحت لجل احسين فدوه لو متت

وفدوه كلنه انصير أله اصغار وكبار

مدري شحجيلج ييمه اشما شفت

يمه شفت الدنيه جن كلهه دمــــــــار

بعيني شفت اطفال يمه اتمددت

والجنط صارت مخــــده للصغــــــــار

بصوت عالي ناديت وصـــــحت

وينهم اهل الشيم واهل القــــــــــــرار

يمه حتى انتي نسيتج من شفت

طفله ميته وبيــــــدهه لعبة قطــــــــار

[عبدالله خلف العتابي]

السلام عليكم
شاعرنا المبدع
الغريب
روعه واسال الله ان يخلص العراق من التفجيرات
وكل سوء ويحمي اهله الطيبون الله الله ياغريب
تلميذك المبتدا
عبدالله العتابي