[عبدالله خلف العتابي]

اللهم صل على محمد وال محمد
***********************
وزن المثلث
فاعلاتن فاعلاتن فاعلاتن

********
فارس الزجيّه*** حيدي مو بديّه
خويه اي احبّك *** وزينبك حياتي
*****
فارس الزهره تعال الحك عليّه
والله ما اصبر بدونك مو بديّه
والخطر ياخويه ما يكرب اليّه
وانته تتكفّل بهاي الهاشميّه
حاضر الشديده*** فايز اليريده
خاسر اليعوفك*** جربتك حياتي
*****
انه زينب ذني ياخويه خواتي
وانته يا عباس اغله من حياتي
كلها فدوه الروح الج ياحياتي
وانه عباس الكمر هاذي صفاتي
دربي ويّه دربك***كلبي ويّه كلبك
تمشي وي خيالي*** يارمز نجاتي
*****
يالكفلت الضعن حارس ويّه ذاتي
يالبكت جربه الك يم شط فراتي
بقت بس صرخة عيالك ياحياتي
ابقه اسمع بيها وابجي لحد وفاتي
اصحه بس تجيني***فدوه الك حنيني
هيبه الك كفيلي*** هيبتك صفاتي
*****
خويه ابقه اعله النهر انظر واتاني
تبجي روحي ولا خبر منّك اجاني
عطشت اطفالي يمن جودك حناني
وين مايك خويه يازهرة زماني
الماي ما اريده*** بس يجي عضيده
انته ياعضيدي*** اغله ذكرياتي
*****
انته وجهك حامل انوار الرساله
وجودك ومايه نبع ربّ الجلاله
يالورثت المرتضى وشايل خصاله
الماي متعني وسجد يمّك زلاله
عالكمر عيوني*** اهلي جنسوني
يابدر زماني***فارس اويه ذاتي

*****

بقلمي
خادم اهل البيت(ع)
عبدالله العتابي

[عبدالله خلف العتابي]

كلمة ياحياتي في المقطع الثاني خطا والصحيح ياذكرياتي

[rafedy]

احسنتم

حياكم الله