الغريبه وي الحسن ما ترهم ابيات
شتكتب عن ثمر نخل الرساله
كرم توصف كرم من منبع الجود
حكمة ومرجلة وطيب وبساله
هيه للتبرك هاي جلمات
ولا بيهن تجي بوصف الدلاله
عبير الزهره و بيه ريحة حسين
ومجد حيدر وحب طه وآله
اعتذر يا سيدي عن وصفك بهاي
لان فوك اليوصفك من خياله
اختيار الله وشوف الله عظيم شلون يختار
هيج حيود تتحمل رساله
وصفهم بالكتاب وعدله صنوان
وكلام الله شتوصف من جماله
نبارك سيدي يبن الحسن يومين
وتهل اعظم مصيبه اعله الرساله
لذلك من بنولج بيت الاحزان
الحزن كله على زينب مجاله
لكن لبوتج اقوى من الجبال
بطشت شافت جبد سبط الرساله
نهلهل نحزن متيهين الافكار
لجن عدنه الحشد جاب النه هاله
هلهولة فرح دوت بالاكوان
وحموا بيت الحكم وصانوا دلاله
وبشاير للنصر جابوها الابطال
شفت شايب مع احفاده وعياله
مثل شيبة حبيب بنصرة حسين
عبالي اهوه الوحيد طلع كثره امثاله
------
نبارك لصاحب العصر والزمان ومراجعنا العظام
والامة الاسلامية جمعا ذكرى مولد سبط الرسالة
كريم اهل البيت الامان الحسن بن علي بن ابي طالب
المتزامنة مع انتصارات جيشنا وحشدنا على اتباع
معاوية بن ابي سفيان وجيوش الخوارج وما النصر
الا من عند الله العزيز الحكيم
------
ابو تركي البدري
فايله/ الدنمارك
السلام عليك يا ابا الفضل
العرض العادي
