[سامر الساهر]

حيدر اشرف الصحبه
حرز اسمك يحيدر صار حرز مو عالورق بكلوبه انكتبه
ومن غصبن علينه وحك حامي الجار كل اكلوبنه اتحبه
فلا بيدي ولابيدك ولهنه بيه والكلك بيدنه جذبه
لان دكة كلبنه اتصيح ياكرارومنو اليملك نبض كلبه
لان مو بالحيات انبايعك مولاي كلمن بايع ابصلبه
ومن صلب الصلب ننتقل بالارحام حبك ياعلي انشربه
الكلب حبك يحامي الجار لان شافك الغوث ابساعت الصعبه
لان شافك تصوم اوتفطر اعله الماي ثلث تيام مارد واحد ايجهبه
لان شافك خليفه اوتحكم اعل الناس ومطلك الدنيه اوركع الجبه
لان شافك كنست الذهب والفضه اوكف بجانهن يتعبد الربه
وسجد تالي الذهب كله تحت رجليك وشرفت الذهب من صار بالكبه
الشرف كل الشرف يابو الحسن والله اجه لصحنك ذليل وسجد عالتربه
علي00شتوصف الكتاب تعجز تاهت ابدربه
اذا قبلة الدنيه وكعبة الاسلام شرفهه علي امن انولد بالكعبه
ولمن بت اسد جهبت البيت الله انشك اله الجدار واخذته الرهبه
وطلكت كعبة الاسلام جابت حيدر الكرار0وحته الكعبه متعجبه
انولد ساجد علي الكرارامام ايصلي بالاكوان وكلهه ساجده عكبه
علي عصات موسه البلعت الحات وادم دعه باسمه ونغفرذنبه
وعلي صار السفينه البيهه راجب نوح وعيسه بيه تنخه وخلص من صلبه
وعلي برد وسلامه صار لبراهيم وطفه النار اسمه وبرت اللهبه
وعي قالع الباب وهادم الاصنام علي البلحبرب محد يكدر ايجهبه
علي دمعه اعله خده ايسيل طول الليل ومن يسجد ادموعه اتبلل التربه
علي صدر الرحيم اليشيك الايتام وللمحتاج حيدر هاوسع كلبه
علي سرالاله المايعرفه انسان وعلمه مايلمه الكون كله ابشركه وبغربه
علي سيف اورساله ابساحة الميدان علي راية محمد كل صنم ذبه
تدري المن الاهك بدل القبله من القدس الشريفه وامر ابكتبه
عله مكه تصلي الناس كله ادور وتوكف حانيه الركبه
لان بيهه انولد حامل لواء الله وابن عم الرسول واشرف الصحبه

علي سيف اعله كل ضالم0000000000علي نقمه اعل كل باطل
علي حدي اويه كل اعوج0000000000علي مايقبل العايل
علي الشمعه لكل تايه000000000000علي المنهج الكل عادل
علي الحاضر ابكل شده0000000000علي البيه تندب الحامل
علي الكال اسئل شمتريد وبس حيدر يرد جواب كل سائل
علي القائل00علي الفاعل00علي ونسكت بعد مانوصف الكرار
لان كلمن يكول اوصف علي الكرارموعاقل موعاقل




خادم الحسين
أبو خالد الوائلي

[عبدالله خلف العتابي]

زينب الجود كافلها_- رفعتها ابخت مولاي
بقلمي
واحسنت وبارك الله فيك
صغيرك
العتابي