حقيقة الموضوع جميل وممتع ولو سمحتوا ان اشارك معكم وسوف اكتب مشاركتي بطريقه مسليه وفكاهيه اتمنى ان تنال اعجابكم وعلى مبداء ماكو زعل
على بركة الله ابداء
- عضو تتخيَلهْ مَرحْ ؟
اكثر واحد يدخل قسم التسليه
- عضُوْ تتخيَلهْ حَزينْ ؟
الي مايدخل قسم التسليه
- عضُوْ تتخيَلهْ نآيمْ وفأضيْ 24 سَأعهْ ؟!
كل واحد ما مسجل بهذا المنتدى وما نعرفه لان ماعده وقت يكعد من النوم ويسجل بالمنتدى مو نايم 24 ساعه
- عضُوْ تتخيله وسيَمْ ؟
احنا العرب واحدنا خشمه بيه كيلو والبنات الشعر سيامه وين اكو وسيم لو وسيمه واذا على التخيل فكلنا انخبل
- عضُوْ تتخيَلهْ ممَلوحّ ؟
طبعا كل واحد بيه المواصفات السابقه فيقنع روحه وايكول صحيح اني مو حلو بس مملوح وايضل يحجيلنا عن تاريخه وهو وصغير وايكول اني جنت اخبل وشعري اصفر وامي اتكول عني جنت اجنن وهو مايدري انو حلو بعين امه ههههه
- عضُوْ تتخيلهْ سمينْ ؟
كل واحد دايما جوعان ويقضي اكثر اوقاته بالمطبخ وكدام باب الثلاجه
والبنات كل وحده ما عامله عملية شفط بلبنان
- عضُوْ تتخيلهْ قصَيرْ ؟
كل واحد يلبس البوفالو ليهسه واذا بنيه كل وحده تلبس هذا الحذاء
- عضو تتخيله حنون ؟
لو منتدانا صيني وهذا صاحب الصوره عضو بمنتدى انا صيني جان صار احن واحد
- عضُوْ تتخيَلهْ رومَأنسيْ ودآيمْ بعآلمْ ثآنيْ « مِنْ آلرومَآنسيهْ آلزآيدهَ ؟!
كل عضو ايمر بفترة خطوبه بس
- عضو تتخيله عصبي ؟
بلا شك كل الاعضاء في المنتدى السياسي ياريت ايسدوه ونخلص من القرف
وايضا هو العضو الي جان خاطب لان الان اتزوج وصار عنده اطفال
عضُوْ تتخيَلهْ طبَآخْ مَأهِرْ ؟
اكيد هما اثنين الاول واحد مسيطره عليه مرته لان الاخت سافه مع صديقاتها والاخ كاعد يطبخ وايداري بالجهال
والثاني كل واحد عاش الاعزوبيه فتره طويله لان الاخ لازم تمر عليه فتره ايمل اكل التلزيك ويتعلم يطبخ
- عضُوْ تتخيَلهْ عَآقِلْ ؟
اكيد الاول الي مسيطره عليه مرته لان لو سوه مشاكل راح ايدمر العائله فخليها الدنيا تمشي هيج احسن وهذا عين العقل
- عضُوْ تتخيلهْ ذگي ويعجبگ بدهآءه وطريقة تفگيره ؟!
هي الزوجه السافه دوما الي لكت هذا الزوج الجبان الي مسيطره عليه بطريقة تفكير داهيه وذكيه وما اعرف وين لكت هذا ابو بدر
العرض المتطور
