[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

مولاي جعفر ( قصيدة نصاري في مولد الصادق عليه السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــ
يصادق بالوعد مولاي جعفر === نهنّي إبمولدك والينه حيـدر
ـــــــــــــــــــــــــــــــ
نهنّي إبمولدك أمّك يمعصوم == نعلن للفرح وإنشيل الهموم
نظل ويّاك يانبـــراس للـــدوم == خاب المايوالي إو صار مُنكر
ـــــــ
خاب المايوالي إو ﯾﻌﺷﮓ الآل == ما تسوه بعدهم دنيه لام...ال
يعدلون الحمل من عندي لو مال == علمهـــم نور بالأكوان يظهر
ــــــــ
علمهم من علم سيد البريّه == والوالد علي حامي الحميّه
وإمهم فاطمه الزهره الزﭽيّه == واني جعفري وإبهاي أفخر
ــــــ
واني جعفري الصادق إمامـــي == إبن أحمد إلَه حُبّي إو هيامي
وأدري بيه يسمع كُل كلامــــــي == يجاوبني إو أشم ريحة الكوثر
ــــ
يجاوبنـــي إمامـــي مــن أزوره == يعانق نور أبو الزهراء نوره
رغم كُل ناصبي معروف سوره == تُرابــه بالبقيع إيفيض عنبر
ـــــ
ترابه بالبقيع إيفيض أنــــــــوار == أبد ما يختفي وإيكيد الأشرار
أبو موسى ملاذ التاه وإحتــار == إنطاه الكرامه العالي الأقدر
ــــــــ
إنطاه الكرامه خالـــــــق الكـــون == ﺣﮔهم شيعته إبيومه يفرحون
رسم درب المجد وإعليه يمشون == يهنّــون الزﭽيّه اليوم أزهر
ــــــــ
يهنّون الزﭽيـه شيعتــــه اليـــوم == يهنّون النبي بالجاي موسوم
يريته هالفرح ما ينتهـــــي دوم == يجينه المنتظر ويّانه يحضر
ــــــ
يجينه المنتظر وإيحن علينه == ننادي مالت الدنيه علينه
لأن ما ننسه أبوالحمله علينـــــه == لأن نرفض فعل كُل مَنْ تجبّر
ــــــ
لأن نرفض فعل أهل الضغينـــه == يكرهونه النواصب ﮔاصدينه
مَيْهمنَه الحقد لـــــو دار بينـــــه == فِدَه لهل الهدى الأرواح ننحر
ــــــــــــــــــــــــــــــــــــــــــــــــــ ــــــ
مع تحيات شاعر اهل البيت / جابر النجفي
إسمعوا طور القصيده على هذا الرابط
http://www.alshiaclubs.com/upload//v...ile=2b5d3954a1

[مصطفى السليماوي]

اللهم صل على محمد وال محمد
شكرا جزيلا
دامت توفيقاتكم

[جابر النجفي]

اقتباس : المشاركة الأصلية كتبت بواسطة مصطفى السليماوي [ مشاهدة المشاركة ]

اللهم صل على محمد وال محمد شكرا جزيلا دامت توفيقاتكم

ــــــــــــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ مصطفى اشكرك واسعد الله ايامك

[البدري14]

احسنت وبارك الله بيك
بحق محمد وآله الاطهار

[جابر النجفي]

اقتباس : المشاركة الأصلية كتبت بواسطة البدري14 [ مشاهدة المشاركة ]

احسنت وبارك الله بيك بحق محمد وآله الاطهار

ــــــــــــــــــــــــــــــــــــــــــــــــــ ــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ البدري 14
اشكر مرورك واسعد الله ايامك