[فاطم 3]

ماشاء الله موضوع رائع ومسابقة جميلة
ونشكر اللجنة العامة لهذا المجهود الكبير
وكل عام وانتم بخير
وجزاكم الله خيرا على مقاطع اليوتيوب الرائعة والجميلة
فعلا انتاج وفقتم فيه ليكون 7 سنوات من العطاء
شوكة في عيون النواصب

[القلب الاسير]

بارك الله في جميع من يشارك ويساهم في هذا الموضوع المقدس
نسال الله القبول والتوفيق

علي سر الاله مفصل من النور ..... وصاغة بقدرة رب الكون من نورة
ربك خالق وفصل علـــي الكرار .... كلي شلون ربك لو رســــم صورة

@@@@@@@@@@@@@@@@@@@@@@@
بت اسد ما جابتك يــــوم المخـــاض .... ياعلي الطلكت الكعبة وجابتك
وجانت امك بالوصل حبل الغــــذاء .... والحجر جـــان المشيمة الغذتك
انت من الله ضياء اعلى السمــــــاء .... والجدار انشق لان بـــي ضمتك
والشمس شامة اعلى خدك من تلوذ ..... يعني انوار الجلالة الرسمتــك
انت بعيون اليتاما هــــلال عيــــد ..... ومن فرح مهدك يحيدر شمتك
بمولدك بشر كتابة اعلى الجنـــــان ..... ربك وايــــاته هـــــي الخطتك
وبشر الهادي محمد بالاصـــــــــول ..... بيك هي انولدت ومـــا ولدتك
اذن انت السر الاعظم للالـــــــــــه ..... وانت ميراث النبـــوة الجنتك
وانت وجه الدين يا بـــــاب الضمير .... وجفك انت الخيمة فيَ الشيعتك
زرعـــــوا الواح الفرح فوك الصراط .... والصراط جفوفة مدها الحضرتك
التمت اعيـــــاد النبوة وكل امام .... ابــاب عيدك يا علي وكل امتك
ضحكت جروح العدالة وي السـلام ..... البســمـة دموع اليتاما الجيتك

خادم اهل البيت ع


الاقل


احمد رفيش

[الامين العاملي]

اللهم صلِّ على مُحَمّدٍ وآلِ مُحَمَّدْ
أسعد الله أيامكم بولادة أمير المؤمنين عليه السلام
وكل عام وكل الموالين بألف خير

بوركت الأيادي لهذا الجهد الكبير
وجزاكم الله خيرا
حقا 7 سنوات من العطاء
اللهم صلي على محمد وآل محمد
ما شاء الله تبارك الله

[طيار عراقي]

كل عام وانتم من اتباع اهل البيت ومن الموالين
اعاده الله عليكم بالرحمة والمغفره
نبارك لكم ولجميع شيعة امير المؤمنين في مشارق الارض ومغاربها هذه المناسبه
اللهم اجعلنا من اتباع وانصار وليد الكعبة
،،،،
بارك الله فيكم موضوع جميل بانتظار ما سيجود به قلم الشعراء من كلمات رائعه

[اللجنة العامة]

كل عام وأنتم بخير ، وفقكم الله لخدمة أهل البيت عليهم السلام.

شاكرين لكم مشاركتكم. وفقنا الله وإياكم لخدمة الإطهار عليهم السلام


ما شاء الله ، إبداع لا حدود له وبنتظار المزيد من إبداعكم

[ابوتكتم الخير]

كل عام وانتم بألف خيروكل اتباع اهل البيت عليهم السلام
اللجنة العامة
شكرا لأبداعاتكم في هذه المناسبة
ونسأل الله أن يوفق الجميع في ذكرى ولادة أمير المؤمنين والمنتدى الشريف
ولكم مشاركتي

منو العالي بعلو السبعات كعبه
ومنو المولود بأطهر بيت كعبه
وجــدار البيت مـــال وعلي كعبه
من بيه إنولد حامي الحميه
*****************
بيت الله بعلي أبصر جـداره
وفتح بيت الله لفاطم جداره
وقبل ما ينولد حيدر جـداره
وبيها موتته حامي الحميه
**************
قبـل الولادة علي بـيت الله مـريمــه
والبيت من إنفتح نال وحصل مريمه
وحضرن ولادة علي آسية و مريمه
مو بالعرى إنولد بالكعبة حيدر علي

***************
إبعـيســى حيــدر علي قـارنـه وقـابلــه
وســأل البيــت الـذي إحـضنــه وقــابلـه
أم عيسى يمه إحضرت وصارت إله قابله
وعيسى يصلي الظهر والمهدي إيأمه
**************
نصيــن بيـك إنزلـن يا سـيـدي نصـيــن
وكل كتب رب السمه بسمك علي نصين
وبيت الله لمك علي إنشك ونفتح نصيـن
وبيك أطلكن فاطمه والكعبة حامي الحمه

ابوتكتم الخير
قاسم طاهر القاسمي

[زكي الياسري]

مشاركتي اضعها خجولة بين روائع المبدعين
لعلي افوز بنظرة من حامي النجف عليه السلام

وصلها
هله بحامي النجف حيدر وصِلها
وسور الحاط مَبــــداهـه واْصلها
الشيعة ابصايـِتَك عِـكَدت وصلها
و أبد متعوف دربـــــــــك للمنيه

وشامه
ينور بخد سما الرفِعــــه وشامه
وشمناك ابوسط حُبنـــــه وشامه
وين ايزيد و الجابــــــــه وشامه
فرق بين الثرى و بيـــــن الثريه

وملهه
يملجه الناس لو حــارت وملهه
اذا مايوم اصبــع شـــــر وملهه
بيك اتلوذ يــا حيــــــــدر وملهه
غيرك بالشدايـــــــــــد و الرزيه

وجنه
يمن حبّــك خلاص النــه وجنه
من النيران مــــــا تلمس وجنه
طغه حبّك علــى العاشــكَـ وجنه
يمحبوب النبي وصهره ووصيه

وعله
علي فراكَََك فـِره كَلبـــي وَعَله
وطير الشوكَـ هد غصني وعله
عسى ياليت كَلت آنــــــه وعَله
يوَصِّل للنجف أعطـــــــر تحيه

[اللجنة العامة]

اللهم صلِ على محمد وآل محمد.

طيب الله أنفاسكم ، أسعد الله أيامكم وكل عام وأنتم بخير

[سفينة البحار]

قد اكون الاخير ولكني اتشرف ان اكون
حيث عطر الولادة الميمونة.....

وحك الله وعلي وفاطم وطه
الكعبة ما سوه حيدر وطاهه
اندعت للباري بالعترة واطاهه
وشرفهه بعلي بهاي المسيه
..........................
يمن بس شخصه للكعبة وطاهه
شريفه بشرف شرفهه واطاهه
حيدر طه من الله وطه
صبح حيدر علي حامي الحميه
.......................
خل يدارون الجدار على العيون ......... نور حيدر بالكلوب نشوفه
الدنيه كلهه تطوف بالبيت الحرام ....... وحيدر البيت الحرام يطوفه
...............................................
يمن لجلك تفطر حايط البيت ... وصار اشرف حضن لاشرف ولاده
الدهر من نور نورك فاض بي نور... وبس وياك حس طعم السعاده
يا شجرة امل ظل فيهه للناس ... ربيع بكل وكت فاحت اوراده
تظل شمس وابد متحجبك غيوم ... وكل ساعه نحس منك زياده
يا منبر فكر قبله انته للناس
يا تاج الفخر يزهي على كل راس
بين امك ومريم ماكو مقياس
لان ولادتك صارت عباده
..................
يا اول وليد البيت بي طاف ... وتمم كل مراسم حجته عليك
الحجر يسعى ويلبي بكلب فرحان ... ودنك حتى باس تراب رجليك
الحجر مو حجر لنك يمه مولود ... كلب آمن علينه واعتقد بيك
الحجر فك كلبه لامك حيت اجت ليه ... ولو يكدر تعنه واعتنه ليك
يا اعظم جبل ما هزتك ريح
رسمك بالكلب هيهات ميطيح
فرحانين باسمك يا علي نصيح
وعلكنه اعمارنه شموع الولاده
.................................

كل التوفيق للمشاركين جميعا
وموفقين ... ماجورين

[البدري14]

هلل يا موالي وزيد تكبير
وصلاوات لحبيب الله ونبيه
افراح ومسره لحامي الجار
انولد حيدر ابيت الله هديه
الوصي اتنصب علن لا تظل محتار
ايده بايد هادينه سويه
علي بيوم الغدير الاغر مغوار
ولي منصب بامر رب البريه
الكمر والشمس من نوره تغار
لان من نور العرش ماخذ سجيه
هلل يا موالي واكتب اشعار
خل تبقى بحقدها جلاب اميه
اليضد حيدر علي ويكرهه باصرار
خل ينشد الماما ياهو ابيه
صلاوات وتهاني اجلال واكبار
لكل شيعة علي والجعفريه
-------
تقبل الله منا منكم يا موالين