فيصل: خلاص قلبي شهرين بس
ريحانه: لا وشو شهرين مااقدر انا
قرب لها وباسها
فيصل: وانا اللي اقدر !!
ريحانه شوي وتصيح: متى بتروح
فيصل: بكره الصبح
ريحانه: احد معك
فيصل: اخوك ومحمد لا بس واحد من العمل معاي
ريحانه: ومادوروا الا انتو
فيصل: لانه بنفس القسم بناخذ محلهم شهرين ونرجع
ريحانه: وهذيلين مادوروا ياخذوك الا الحين
فيصل: لانهم ماخذين اجازة اضطراريه اثنينهم واخذونا بدلهم بس ان شاء الله مايطولوا اكثر
ريحانه: لا وشو اكثر مافيه
فيصل: هههههه ان شاء الله.. يالله انا بقوم وراي قعده الصبح
ريحانه: خلاص يعني مابشوفك
فيصل بألم: ريحانه برجع انا لاتقطعي قلبي وراك جامعه بكره؟؟
ريحانه: ايه
فيصل: الساعه كم بتروحي
ريحانه: ثمان
فيصل: اهاا شوفي اذا عمي هنا بسلم عليه
ريحانه: طيب
دخل معها وسلم على عمه وأم حيدر محيدر ومحمد وايمان وبتول
فيصل: جاسم موهنا
أبو حيدر: لاطلع
فيصل: سلموا عليه يالله انا طالع
أبو حيدر: تو الناس
فيصل: والله عمي الطيارة الصبح وبروح ارتاح انام
أبو حيدر: الله معك ويرجعك بالسلامه
ابتسم فيصل لريحانه حق تلحقه
وصولوا عند الباب ..
دخل جاسم: السلام
فيصل: وعليكم السلام ياهلا ولد العم
جاسم: هههههه ايه ولد العم مربع هنا كل يوم
فيصل: حرام عليك انا ثلاث ايام ماجيت
جاسم: اوو وايد صحيح معذور
فيصل:ههههههه حرام عليك هاذي اخر ليله بكره انا ماشي على جده
جاسم: ليش شغل؟
فيصل: ايه شهرين
جاسم: اووف وبترجع كل اسبوع
فيصل: لا
جاسم: الله يعينا عيد على بعض الناس
ريحانه:شقصدك
جاسم: ههههههه سلامتك بس اقول فيه ناس ماتستغني يوم فكيف بشهرين .. يالله انا بدخل حر هنا
سلم على فيصل ودخل ..
طالع فيصل ريحانه كانت دموعها بعينها .. ضمها له: ريحانه انا بتصل لك كل يوم اطمنك كلها شهرين وانا راجع مولازم الدموع
رفع راسها وباسها على جبينها وطلع ....
في بيت أبوسعد ...
أم طارق: كان اخذت منه اكثر
أبوسعد: لاوالله اخذ اكثر من 50 الف من الريال وشو يقولوا
أم طارق: كم عطيت سعيدة الحظ
ابوسعد: 20 وانتو لاتقعدوا تصرفوا كانكم مالكين فلوس البلد وتالي نبي زياده
ام طارق: والله لازم نطلع كلنا كشخه بالعرس
ابوسعد: كشخه الطل .. ووينه ولدك العاطل هذا
ام طارق: طارق مع اصحابه طالع
ابو سعد: ومتى راجع
ام طارق: مادري عنه
ابو سعد: خوش يسهر ماتدري وين انا قايم ..
بيت ابو سعد الثاني ..
ندى: سعد الحين ابوي قال انه جاي من السفر يعني بيرجع هناك ولا خلاص
سعد: ماادري اسألي ولي الامر
لؤي: هاا خصلتي شغلك
ندى: تقريباً
سعد: انا قايم انام
ندى: وشو فيه سعد واصل حده
لؤي: منقهر من ابوي
ندى: علي ايش
لؤي: على سالفه العرس انه وافق على طول
ندى: ااف
لؤي: خلاص فتره وينسى والله يوفق لك .. والله يحييني بدون اكلك
ندى: هههههههههههه لو قعدت هنا بطبخ لك بس ماادري هو خلص هناك ولا بيرجع يسافر
لؤي: اممم على عمره اتوقع باقي سنه او نصف مادري
ندى: الله يعين بقوم انام انا وراي دوام بكره
لؤي: الساعه كم اوديك
ندى: بروح ثمان تصبح على خير ..
الساعه سبع ونصف صباحاً ....
حيدر كان يتجهز للعمل ..رن الجوال
حيدر: الو
فيصل: اهلا شخبارك
حيدر: بخير ها مشيت
فيصل: لابعدني حيدر انت بالبيت صح
حيدر: أي
فيصل: ريحانه جالسه ولانايمه
حيدر: اممم مادري دقيقه بشوف .. جالسه بس عالسرير .. تبي تجيها؟؟
فيصل: أي ماعليه انا ماقلت لها بس امبي اشوفها
حيدر: ههههههه والله عليكم حركات كافيني جنون محمد بالعمل
فيصل: هههه اقول اخلص انا عند الباب دخلني
حيدر: كم تعطيني
فيصل: 100
فتح الباب: حياك وين المئه
فيصل: ههههههه قصدك المئه كف
حيدر: يالدب مئه كف هاا
فيصل: ههههه وينها بغرفتها؟
حيدر: من هي
فيصل: لاتستهبل علي
حيدر: فكرتك جاي تزور ولد عمك المسكين
فيصل: ههههههه شسوي فيك راز وجهك معي بالعمل
حيدر: أي يزات الخير سواد الويه ..بس شسوي ناخذ فيك ثواب
فيصل: ههههههههههه يلا نروح
حيدر:ااه ياقلبي ومن الحب ماقتل .. الحمد لله عقلي كامل مو مثلك والاخ محمد
فيصل: نشوف بعدين وين يطير عقلك هذا
حيدر: هههه ماتاخذ عقلي مره .. يلا ماشي بروح العمل انا
وصله لباب الغرفه وراح غرفته ياخذ جواله والمفتاح
اخذهم وطلع مر عالغرفه كان الباب مفتوح شوي
...
..
.
ابتسم وسكر الباب بشويش بدون مايحسوا عليه ومشى للعمل << انتو بعد تباعدوا عن الباب عيب ..:p
بعد أسبوع بالجامعه ...
ندى: هههههههه فاضي والله جاي الصبح
ريحانه: عادي كنت قاعده
ندى: أي كان نام عندكم جاي الليل وراح نام ورجع الصبح
ريحانه: ههههه ماجت على بالي اقوله
ضربت بمزح: حلفي عاد طاقه الميانه
ريحانه: كيفي
ندى: لا لا بديتي تفقدي عقلك
ريحانه:هههههههههه خليني احسن من اصيح
ندى: وليش ان شاء الله تصيحي
ريحانه: بشتاق له
ندى: هههه اقول لك بديتي تفقدي عقلك
ريحانه: والله تعودت اني اشوفه كل يوم من الحادث صرت مااعرف اعيش بدونه يوم ....
ندى: أي وين كلام اول ماابيه
ريحانه: خالد الله يرحمه .. وفيصل الله يخليه لي
ندى: أي كذا صرتي مره سنعه
ريحانه: هاا وش شايفتني
ندى: هههههه موقصدي شي بس اقول عقلك اكتمل بس الحين جا فيصل وبدا يقلص من حجمه
شوق: مرحباا
ريحانه: اهلين زين جيتي
شوق: ليش
ريحانه: لابس انتي مثلي تحسي فيني موه اللي قدامك
ندى: هههههههه اكتملوا علي وينها دانه
دانه: اناااهناا
ندى: تعالي لايأثروا علي العشاق
شوق: ههههههههه اللي يسمعك عرسك مو بعد 27 يوم
ندى: بل حاسبتها انا موحاسبتها
شوق: خوش عروس
ندى بحزن: الا قولي اتعس عروس
شوق: لا تيأسي كذا انتي ماتعرفيه للحين
ندى: نشوف الايام جايه
دانه: عطشااانه
ريحانه: هههههه مافيش قبل ثمان ساعات
دانه: اااخ الله يعين
شوق: يالله خلنا نطلع اكيد جا الباص حقنا
مشوا البنات كلهم للدرج نازلين
.. وقفت شوق ومسكت بالجدار
ريحانه: شوق فيك شي
شوق: لا لا بس دايخه شوي خل نلحق البنات
ريحانه: تسحرتي امس
شوق: أي بس لاننا تونا ببدايه الشهر وراسي كله داير
ريحانه: جيبي ايدك يلا ننزل
محمد: السلام عليكم
الكل بالمطبخ :وعليكم السلام
قعد عالكرسي يطالع وشو يسوون
محمد: امي شكلك تسوي قيمات صح
أم محمد: أي يمه هذا قيمات
محمد: شفتي كيف ذكي انا من العجينه عرفت
ريم: ههههه أي ذكاء فائق الحدود صراحه شفت اللي استوى قلت قيمات
محمد: هاا من قال اني شفته
ريم: اقول انت صايم لاتكذب
محمد: ههههههه نسيت استغفر الله اما انتي اممم شكله اذا ماخاب ضني كيكة
ريم: هههههه ايه يابو الاختراعات
محمد: واللي بالسفره منو يشتغل عليه
أم محمد: شوق بس راحت شوي وراجعه
محمد: اممم شكله هذاك اللي داخل البريد حشوة الدجاج
شوق وهي داخله: صح
محمد: هلا شوقي
شوق بابتسامه : اهلين .. تعال سوه معي
محمد: اناا البيض والا البقسماط
شوق: اللي تبيه
ريم: خليه البيض يمكن يفلح نبي ناكل احنا
شوق: ههههه لا يعرف للثنين يطبخ معي فوق
ريم: ماجاك اسهال
شوق: هههههههه لا
محمد: شافتني مااعرف اطبخ اعرف احسن منك
وقعد يساعدهم لموعد الفطور << الكل جوعان خخ الله يبلغنا رمضان >>
أبو محمد: السلام عليكم
الكل: وعليكم السلام
جلس عالكرسي
أبو محمد: وش طاخبين لنا اليوم
محمد: قيمات وكيك وبريد محشي بالدجاج وشوربه
أبو محمد: ههههه شفيك جوعان ؟
محمد: وااايد
أبو محمد: انتبه بس لاتنسى حالك وتاكل
محمد:هههههه لو هو مستوي كان خلصته من زمان
أم محمد: يمه شوق حركي الشوربه لاتحترق
شوق: ان شاء الله
أما ببيت أبو حيدر..
ريحانه: ماانتهى وقته هذا
أم حيدر: لاباقي خمس دقايق لاتنسيه ويحترق انا بروح ارتاح شوي
ريحانه: ان شاء الله
جات بتول المطبخ وفتحت الثلاجه صبت لها كاس ماي << مسكينه توها 9 سنين نست
ريحانه: بتوول انتي صايمه
بتول: اوه نسيت
ريحانه: هههههه باقي ساعه تقريبا عالاذان روحي العبي حق يمشي الوقت
انتهى ..,,,,
فيه احداث جديده بالجزء الجديد :rolleyes:
بس ماعرفت انقي لكم مقاطع
انتظروا الجديد
العرض الشجري