[رضاهادي القصاب]

((((((السلام عليكم ورحمة الله وبركاته))))))))
هذه القصيده التي أعرضها على أنظاركم هي واحده من روائع فن الشعر الشعبي الحسيني وهي قصيده خاليه من حرف الألف(ا) والقصيده من شعر الشاعر الحسيني المرحوم الشيخ هادي القصاب العبايچي الخفاجي ..... وكل من يقرأها يذكر الشاعر بسورة الفاتحه على روحه قبلها الصلاة على محمد وآل محمد
هذه القصيده خاليه من حرف الألف(ا) وهي بحق الإمام الحسين (ع) :
يحسين گبرك يحسين للحشر يسطع نوره

يحسين حي گبرك يضنوة حيدر
من نور شخصيتك يشع للمحشر
كلمن لعد گبرك غده يتفكّر
يعتقد جنّة فردوس يم حضرتك معموره

يحسين گبرك جنّه تسطع يحسين
يحسين بي كل شيعتك متمسكين
يحسين خصمك وين متوسّد وين
هم عنده مرقد معلوم لو حضرته معلومه

يحسين من مثلك شخص من مثلك
حصّل فضل يشبه يضيغم فضلك
يحسين چم سورة مدح تشهد لك
يحسين فضلك معروف بي تعترف كل سوره

يحسين للتكوين حبك رحمه
وهوه لعد كلمن يحبك نعمه
يحسين حبك لليضدّك نقمه
حبك علم عز منصور بي شيعتك منصوره

يحسين دومه كل محب يلهج بيك
يستود يتقرّب يبن حيدر ليك
من حيث للشدّه ضخر مترجّيك
كل شده شخصك يحسين يحضر يسر بحضوره

يحسين لهجة كل محب بسمك دوم
من حيث گلبه بيه حبك مرسوم
وبذكر مدحك طبعه يلهج كل يوم
عنده صحيفه يحسين بمحبتك ممهوره

يحسين ميمل كل شخص من ذكرك
من حيث گلبه بي تشيّد گبرك
ويگوم ينحب حين يذكر صبرك
صدره تشوفه يحسين بي عبرته مكسوره

يحسين من يتذكّرك يمشكّر
گلبه جمر لمصيبتك يتوجّر
من ظهر مهرك من طحت يتذكّر
چبدتك تسعر يحسين منك وهي مفطوره

دمّك لم شيبك تخضّب منّه
زينب تعنّت ليك تجذب ونّه
يحسين تنده وين شخصك عنّه
نوبه تگع تمشي نوب ويلي وهي مذعوره

يحسين وينك خويه متگلّي وين
چبدي غده يحسين لجلك نصّين
يحسين مرمي وين جسمك يحسين
دلّيني خويه يحسين روحي تره مخطوره

(((تمت)))