[ابو ظاهر البركي !]

القصيده بثوبها الجديد


كربت ايامي وذنوبي متلتلات
منه غيرك ياعلي اليحميني
---------------
ياعلي محنه جبيرة محنتي
خايف انه من الكبر من وحدتي
شلون بيه مصيبه مصعبه مصيبتي
عمل ماكو وشنه الينجيني
منه غيرك ياعلي اليحميني
----------------
ياعلي الكل يرتجي وليده يجيه
يوكف عللكبر ويسلم عليه
واني ماعندي ولد ارتجي بيه
يندعيلي وبيه اقرن عيني
ومنه غيرك ياعلي اليحميني
------------------
ولاني عالم حتى الفلي كتاب
ويبقى من بعدي واحصلي ثواب
والعمر كله سراب في سراب
مروتك انقذني لتخليني
ومنه غيرك ياعلي اليحميني
----------------
ياعلي دنياي وصخه وجيت ليك
جيت مترجي وكفتك معتنيك
وآنه واثق ماترد الي يجيك
صك شفاعة رايد انه انطيني
ومنه غيرك ياعلي اليحميني
-----------------
ياعلي جيتك يحماي الدخيل
ياعلي حمل العلي كلش ثكيل
انه لاجل حسين دم عيني تسيل
جيت مطلوب واسدد ديني
ومنه غيرك ياعلي اليحميني



خادم اهل البيت
ابو ظاهر البركي
يسألكم الدعاء



وهذا الرابط
بصوت الشيخ باقر الصبيحاوي

www.youtube.com/watch?v=UsnGYEzYlrs



اسألكم الدعاء


ابو ظاهر البركي