[زخات مطر]

اللهم صلِ على محمد وال محمد
هذه نبذة عن حياة العالم نوبل
ألفريد برنارد نوبل Alfred Bernhard Nobel ( ستوكهولم ، السويد ، 21 اكتوبر 1833 - سان ريمو ، ايطاليا ، 10 ديسمبر 1896 ) كيماوى و مهندس سويدى ، اخترع الديناميت و الجايزه المعروفه بـ جايزة نوبل اللى بتتمنح كل سنه للى خدمو الانسانيه من علما و كتاب و صانعى سلام.
اتولد ألفريد نوبل فى مدينة ستوكهولم فى السويد سنة 1833. فى سنة 1843 راح مع ابوه مدينة سانت بطرسبورج فى روسيا ود درس الكيميا مع العالم الروسى البروفيسور نيكولاى نيكولايفيتش زينن ، و لما كمل تمنتاشر سنه سافر امريكا عشان يدرس الكيميا و قعد هناك اربع سنين و درس مع جون اريكسون. بعد ما فلست اسرته رجع السويد مع ابوه و كرس وقته لدراسة المتفجرات خاصة النيتروجليسرين. فى 3 سبتمبر 1864 حصل انفجار كبير فى مصنع العيله فى هلينبورج فى ستوكهولم فإتقتل خمس اشخاص كان من ضمنهم ايميل اللى كان اصغر اخواته.
فى سنة 1884 ألفريد نوبل انتخب عضو فى لجنة الأكاديميه الملكيه السويديه للعلوم - و دى اللجنه اللى بقت بعد كده بتختار اتنين من الفايزين بجايزة نوبل - ، و أخد الدكتوراه الفخريه من جامعة اوبسالا سنة 1893.