[سماء الشهادة]

السلام عليكم ورحمة الله وبركاتهأولا أحب أن أتوجه بالشكر لكل من ساهم في تفعيل عضويتي في هالمنتدى وإن شاءالله تقبلوني وحده منكم وفيكم أنا أختكم من دولة الإمارات العربية المتحدة، منذ بداية الأحداث في البحرين وأنا أتابع الأخبار أولا بأول والحق كان باين من البدايه مع منو ولكن للأسف المصالح تخلي البعض يتغاضى عن الحق ويغمض عينه ويسكر اذنه وفمه عن الدفاع عن حقوق الأبرياء والمظلومين اللي قاعد يصير في البحرين أي إنسان عاقل مايحتاج أكثر من دليل واحد عشان يصدق الظلم والجور اللي قاعد ينزل بالمواطنين وبالأخص شيعة البحرين .. ولكن للأسف مثل ماقلت السالفه فيها مصالح والسياسه ماتعرف الانسانيه ... الصدمه الكبرى كانت يوم بدوا يهدمون المساجد ويحرقون المصاحف، هذا الشيء كبير جدا ومايرضى فيه أي إنسان مسلم وغير المسلم حتى مستغرب ويتسائل كيف للمسلم أن يحرق كتاب من يؤمن به، هذا الكتاب الطاهر ، هذا بدال ما المسلمين يتوحدون في وجه اللي يحاول التعدي على الاسلام قاعدين يقتلون بعض ويكفرون بعض! للأسف هوى الدنيا والمال والجبروت غشى على قلوبهم ولاهم بسائلين .. والسؤال اللي كل من يصدق تكذيب شعب البحرين اللي يتعرض للأذى هو: ما الدافع وراء أن يكذب المواطن البحريني بأن حقوقه مسلوبه؟هل الشعب يستمتع بالأذى اللاحق به؟لماذا سيصمد الشعب في وجه التعذيب المستمر اليومي اذا كان بالفعل محصل حقوقه؟ يريدون حوافز إضافيه مثلا!!أسئله كثيره تخلي الواحد يحتار، مثل ماقلتلكم العاقل مايحتاي اكثر من دليل واحد عشان يصدق بان الحق مع الثوار أنا استغربت يوم شفت فيديوات هدم المسايد ، يعني المسيد الواحد ما اخذ اكثر من دقائق لهدمه وبجرافات!! ليش المسايد من شو مبنيه عشان تتكسر بهالسهوله؟ معقوله دوله غنية يكون البنيان فيها بهالمستوى؟ من رأيي الشخصي هذا دليل آخر على سلب الحقوق من المواطنين الشيعه، ولكن على هذا كانوا راضين بالمسيد وما احتجوا ولا طلبوا كونكريت ورخام الخ ... بس بعد يوا وهدموه ليش؟؟ لكن على كل هذا فهذي حكمة رب العالمين، وفي سبب عظيم ورى كل اللي قاعد يصير، وأكيد انتوا كلكم مؤمنين ماشاءالله عليكم ومايحتاي أحد يوعيكم وهالشي باين من خلال ثورتكم السلميه وشعاراتكم ، بأن الله ينصر الحق وإن شاءالله النصر قريب وحقوقكم مابتضيع ..اسمحولي جان طولت عليكم، بس يعلم الله ان اللي في خاطري وايد وان قلبي وياكم واحسكم كلكم اخواني واهلي واللي يضركم يضرني ولو اني مب وياكم اطلب الله ان يعجل في الفرج عنكم ويلهمكم الصبروصلى الله على محمد آل بيته الطيبين الطاهرين ./منقووووول