[انثى الحوت]

اميرة

افا
تخافين من القصمان
لا لا أبيك اقوى منهم
لا تسنن و لا غيره
شيعه جعفريه و النعم

اما حديثك عن رحلتج الى سوريا عجبني
و اسعدني انك حبتي تتكلمي في صفحتي

ذكرتيني بروحي لسوريا

انا بعد رحت سوريا مرهـ وحدهـ بعمري
و كنت ميته ابي اروح سوريا
لأن بنات خالاتي دوم يروحون و خالي الصغير
اما انا بس اسمع حكاياتهم في سوريا

و بعدين الله كتب لي و رحت
و ماوصلنا الا الليل
بسبب مشاكل الباص
اقول لج يوم نزلنا اطالع في الباص الا اهو مايل
دليل على انه كفراته مو متساوية
الحمد الله بس وصلنا بالسلامه

و كنت ابي اروح الحضرة بس كانت سكرت خلاص
و كان لازم علينا ننتظر ليوم ثاني

و يوم ثاني رحنا انا واختي الظهر
و طبعا ما ندل شيء
قمنا نلحق الناس
و دخلنا من بوابة و احنا نمشي ورى الناس
الا نطلع من البوابة الثانيه هههههههههههههه

و رجعنا لين شفنا الحرم
و دخلت و انا منبهره و المكان ما ادري شقول لك
انتي جربتي و تعرفين شعوري
و كان شيء حلو انج تشوفين ناس كله شيعه
و انج تشوفين السباج بعيونج مب صورة و لا تلفزيون
شيء حلو و العزاية الي تصير
و لفت نظري حركة رمي الحلاوة << استغربت منها

و كان خاطري اشوف معجزة بس للآسف ما شفت
و كان في الحرم حرمه تمشي و وراها ولدها
كبير اهو بس شكله مريض الله يعطيه الصحة و العافيه بحق السيدة زينب عليها السلام
كنت اطالع فيه و اخاف تصير له معجزة و يشوفنها احنا الحريم مب متغطين << شوف التفكير كيف
كنت بسن 12 سنه تقريبا

و مره كنا راجعين البيت و انا متغطيه بغطا ثقيل
و كان في شاب طويل يبيع شنطات
الا ينزل راسه لوجهي و يقول شو هالجمال ها
انا عاد انصدمت شو هالكذب الحين كل هالغطاء الي لابسته وشفت وجهي
كنت بهزئه بس اختي سحبتني ههه

و رحنا للسيدة سكينة و زرنا مساجد
و اذكر اني نسيت ساعتي في اخر مزار زرناه بسوريا
و كانت هديه

بس يقولون اذا نسيتي شيء بمكان يعني بترجعي له
و إن شاء الله ارجع لسوريا و ازور سيدتي و مولاتي

و اليوم الي كنا بنرجع فيه
كان السواق تعبان و سهران ما يقدر يسوق
بدفعوا عنا الحملة قيمة سكن ليوم زياده
كان شيء جميـــــــــــل جداً

كانوا هناك بيت عمتي
و تعرفنا على لبنانيه هناك

كانت ايام حلووه بجد
ربي يعودها

و عدنا لبلادنا بخير ^_^

الله يرزقنا و إياكم العود

انثى الحوت