[جعفر المندلاوي]

ليلة الانصار
=======(( بقلمي جعفر ملا عبد المندلاوي )) 4 محرم 1448هـ

انصاره انصاره جمعها ابن المظاهر
كلمن لبس درع الحميه الليله عاشر
*****
أنصاره لمْها بكل عزم يرفع علمهم
صاح الحبيب بليلة العاشر يحيهم
ها يخوتي أهل النبي الوصّانه بيهم
أهل الحميه والفخر يهل البصاير
*****
گلهم حبيب اتهيئوا الليله الأخيره
زينب تخاف على الولـي هاي الأميره
والخيمة الحورا زحف جمع العشيرة
خاطرها طيّب هالجمع اهل الضماير
*****
زينب تشيّم بالصحب يهل الحمية
لحسين ضحوا كل نفس خير البرية
لبيك نادوا جمعهم هاي المسية
ونفوسنا كلها فدا مصباح باݘر
*****
عند العقيلة تراب فوگ الراس خلّه
ولشيبته الطيبة لزم والسيف سلّه
ارواحنه الكم وقا وهيهات ذلّـه
للموت انصار السبط احنه ونفاخر
*****
عباس يزعل ينتفض باهل المكارم
فرسان آل المصطفى سلّوا الصوارم
مولاتي احنا فداݘ كل جمع الهواشم
واشحدها توصل خيمتݘ هاي العساكر
*****
تاليها بحسين ارتضوا ياهو اليقدّم
أنصاره انصار الوفا لو باهله يهجم
صار البݘي وسط الخيم زينب تحشّم
يا خير اصحاب الهدى وخير العشاير
*****
ظلت خيمهم بالصلا والسجدة تضوي
ترتيل قرآن وسور واذكار تدوي
ضمنوا جنان وكوثره فد قطرة تروي
أنصار دين الله احيوها الشعاير
*****
لو بينا ألف روح ونفس لحسين فدوه
روح وبدن للمصطفى ولگليبه سلوه
دمه ومهجته ومنهجه للأمة قدوه
سيد شباب جنانها باليوم الآخر
*****
وبشوگ ظلّت تنتظر أصحابه صبحه
سبعين شيبه وتعتبر هالموته فرحه
ويلي على المظلوم من ينصاب جرحه
انصاره راحت من يظل من غير ناصر
*****


ملاحظة : أجيز قراءتها في المجالس لكل من يرغب

[وهج الإيمان]

دافعوا عن إمامهم المظلوم ببسالة فنقشوا أسماءهم في سجل التضحية والوفاء بأحرفٍ من نور فكانوا خير أنصارٍ له
السلام على الحسين وعلى علي ابن الحسين وعلى أصحاب الحسين
آجركم الباري وثقل بهذه الأبيات الفدائية موازين حسناتكم

[جعفر المندلاوي]

اقتباس : المشاركة الأصلية كتبت بواسطة وهج الإيمان [ مشاهدة المشاركة ]

دافعوا عن إمامهم المظلوم ببسالة فنقشوا أسماءهم في سجل التضحية والوفاء بأحرفٍ من نور فكانوا خير أنصارٍ له السلام على الحسين وعلى علي ابن الحسين وعلى أصحاب الحسين آجركم الباري وثقل بهذه الأبيات الفدائية موازين حسناتكم

أعظم الله لكم ولنا الأجر وجزيل الثواب بمصابنا بأبي عبدالله الحسين وأهل بيته
حفظكم المولى دكتورة وثبتكم وايانا على نهج محمد وآل محمد وحشرنا جميعا في رحالهم
خالص احترامي وتقديري