[** مسلمة سنية **]

اقتباس : المشاركة الأصلية كتبت بواسطة أصبحت شيعيه [ مشاهدة المشاركة ]

ههههههه مسلمه سنية أريد منك أن تقولي لي منذ أن تشيعتي ماهي المسائل العقائدية التي تعلمتها ولا تمديني بروابط فأنت لم تضعي حوارك إلا لهدف وأنا أريدك أن تحاوريني وكلي مرحب بذلك

حيّاك الله
في أمور كتير ... منها ما تعمّقت بها نوعا ما و منها ما قرأتها بتعمّق أقلّ و منها مازلت أتوق للقراءة عنها .. في كتب قرأتها و في كتب كتير متلهفة لقراءتها و طبعا بحاول بحسب وقتي ... طبعا انا أيضا أُعتبر في بدايات تشيّعي و ما بدّعي ابدا اني بعرف كل شي ... و لا جاهلة بكل شي ... و من أسباب قلّة تواجدي بالمنتدى قراءتي في بعض الكتب ...

متل ما حكيت هناك أمور قرأتها بتعمّق أقل من سواها و منها مازلت لم أقرأ عنها بعد ... هذه الأمور لنتركها قليلا ...

الأمور التي حاولت و جاهدت لأتعمّق بها أهمها الإمامة و الولاء و البراء

و لا أخفيك بأنّ موضوع الصحابة و قضية عدول الصحابة أخذ حيزا كبيرا جدا معي و لا زال ... و أعطيه الجزء الأكبر من وقتي ... و هذا راجع لبيئتي التي انتمي اليها >>> في بيئتي الأغلب و ليس الجميع لا يكفّرون الشيعة ... فالكثير منهم لا يحملون مشاعر البغض الموجودة لدى البعض ضد الشيعة ... طبعا لديهم انتقادات كثيرة على الشيعة و هناك أمور لا يفهمونها و يستغربوها لكن تبقى مسألة الصحابة هي الأهم لديهم ... و حاجز كبير بينهم و بين المذهب الشيعي .... ( لاحظي قلت الأغلب و ليس الكل ... و قلت من بيئتي أي أهلي و أهل زوجي ) ... نيجي لمشاهد لتفهمي قصدي

الوالدة :
توقّفت عند مسألة التوسّل ... و عند مسألة اللطم ... ( بكلام مكرر مما تسمعه في التلفاز بطرقهم الملتوية ) ... لكن ما أثار حفيظتها و جعل الوضع حساسا جدا هو مسألة الصحابة !!!! و محاولة توضيح بعض ما قاموا به ... فبعد ان تأثّرت قليلا ببعض ما قلت لها لدرجة ان تدمع عيناها عندما علمت عن وصّية الزهراء عليها السلام ( طبعا كانت معلومات جديدة بالنسبة لها )... ثمّ عادت للمنزل لتسأل أخاها الشيخ و زوجة أخيها الواعظة و يجيبوها > بأنّ هذه الأمور الأفضل عدم الخوض بها !!!! فعادت لزيارتي في محاولة لإقناعي بفضل ابي بكر و بهاد اليوم صار بينا مشكلة ... و توقّفنا هون >>> عند الصحابة و بالذات ابو بكر !!!!!


أختي الوسطى :
برضو أغلب نقاشنا كان عن الصحابة !!!! و لا زالت تحاول اقناعي بعدولهم جميعا !!!

أختي الكبرى :
كانت جلسة واحدة ... ما حكينا كتير ... رافضة الفكرة ... حكينا شوي و بمجرّد ما ذكرت اسم ابو بكر و عمر و شعرَت اني بدي أحكي عنهم مش بالطريقة المعتادة من تقديس ما رضيت تسمع شي نفعلت و تنرفزت !!!!!!

أخي :

الجلسة الصريحة كانت جلسة وحدة ... حكينا فيها كتير ... تناقشنا شوي بالامامة ... تناقشنا شوي بحديث الغدير ... تناقشنا شوي عن ثورة الحسين عليه السلام ( طبعا كان الحوار مشتت بسبب أخي ... كل ما سأل سؤال بيفكّر انو من خلالو رح يطعن في المذهب و يلاقيني برد عليه بكلام مقنع كان يقطع علي و ينتقل لموضوع تاني ) ... المهم حكينا بأمور كتير و من خلال الحوار حكينا شوي عن الصحابة و طبعا أخي بدو يقنعني بفضل الصحابة من صحيح البخاري !!!! من خلال كلامو حكى حديث من البخاري : أن لو كان نبي بعد رسول الله ( صلى الله عليه و آله ) لكان عمر !!!! هون غلطت و حكيت بلهجة ساخرة : الحمد لله انو ما في نبي بعد رسولنا الكريم ( صلى الله عليه و آله ) ... انتبه أخي للهجتي و عيونو طلعوا من راسو ... احتدّ الحوار كتير و هو بيردد : إلّا ابو بكر و عمر !!!! إلّا ابو بكر و عمر !!!! لو كانوا متعودين يضربوا كان الله
بيعلم شو عمل فيّا ... طلع معصّب كتير من عندي ... حاولت أمنعو و وقفت على باب بيتي لحتى ما يطلع عندي بهالصورة .. لكن كان وجهو أحمر كتير و كان يحكي ابعدي عن طريقي اذا ضلّيت عندك رح ارتكب جريمة !!! لحد ما زاحني هو عن الباب و طلع !!!!
كل هاد علشان حاولت أحكي انو ابو بكر و عمر مش بالقدسية اللي بيتخيّلوها !!!!
هالكلام صار قبل أشهر ... ما توقّعت انو أخي يرجع يحكي معي بعد هداك اليوم ... و خفت ليحكي لوالدي ... بس اللي صار انهم كلهم بيحالوا يتصرّفوا معي كأنّو شي ما صار ( احيانا بتطلع من الوالدة بعض الكلمات ) لكن بالغالب بيحاولوا يتجاهلو الموضوع ... بطريقة انا شاعرة انهم متفقين عليها ... يمكن موكلين الموضوع لأختي الوسطى لأنها أهدا وحدة و دارسة شريعة و بتحكي بطريقة سياسية نوعا ما ... فيمكن معتمدين عليها ترجعني لجادة الصواب !!!!!

زوجي :
حكيت معو كتير و بأمور كتير ... في أمور كتير اقتنع فيها ... لكنّوا عايش الدنيا ... و بيحكي انو ما في فايدة ندوّر بالماضي !!! طبعا تعبت كتير معو ... لكن المهم انو من الأمور اللي استوقفتني معو ... انو مرة اجا مستاء و بيحكي لي : طيّب الشيعة ليش بيسبوا و بيغلطوا عالصحابة !!!!!!!!!!

حاليا بما انو زوجي كان يسمع لي أحيانا مرات بهدوء و مرات بعصبية .. لكن كان يسمعني أكتر من أهلي ... فهو حاليا مقتنع بعدم عدول الصحابة جميعا ... و هو نفسو صار يستغرب بعض الأمور و يذكر بعض الأمور ... و فترة صار يصلي و هو مسدل ايديه ( مرة هيك و مرة هيك ) ... في امور كتير اقتنع فيها ... لكن للأسف يمكن حسبها ... تشيُّع معناه خسارة كيبرة بالمجتمع اللي نحنا عايشين فيه >>> عداوة ... نبذ ... و حتى مشاكل بالشغل ...و مشاكل سياسية ... يمكن هاي التضحيات هو مش جاهز الها ... لهيك صار يتجنّب الحوار بهالأمور خوف لضميرو يأنبو .. فهو تاركني ماشية بطريقي ( و هاد فضل كبير منو علي ) ... بس بيتجنّب هيك حوارات ... المؤسف انو سمع و اقتنع لكن بيحاول ينسى علشان المجتمع !!!!! ربنا يهديه ...

سلفتي :
مسكينة حاليا لا سنّية و لا شيعية ... و صدّقت عدم عدول الصحابة .. و مع انها صارت تبغض ابو بكر و عمر بصورة واضحة ... إلّا انها مرّات بتسرح و بتحكي معقول ؟؟؟!!!! ابو بكر و عمر هيك ؟؟!!!!

آسفة أطلت الكلام ... لكن كنت بدي خبرك ليش مهتمة كتير بموضوع الصحابة ... و يمكن كتير من مواضيعي كانت عن الصحابة ... مو لأني بدي أطعن في الصحابة .... فالصحابة فيهم المؤمن و فيهم المنافق ...
و توقّفت وقفات عديدة مع ابي بكر و عمر ... للإشارة لظلمهم و أخطائهم اللي مجرّد الاشارة لها يُعد خرقا لهالة القدسية المحيطة بهما ... فهما مقدّسان لا يخطئان !!!!!!!
مضطّرة اتوقف كتير عند أعمالهم و مضطّرة ابحث كتير بمواقفهم ... علّ و عسى يجي يوم يرجعوا يحكوا معي أهلي و يسمعوا مني بطريقة أهدا شوي ... و الأهم أنهم يسمعوا ... لكن للأسف بدهم يحكوا بدون نقاش ... كما تعوّدوا دوما تسليم بالأمر ... فإذا آمنوا بقضية عدم عدول جميع الصحابة ... و أنّ هذه الشخصيات قد تخطئ و منها ما هو ظالم ... فالكثير يكون قد أُنجز معهم ...

آسفة ازا فضفضت زيادة ... لكن للأسف صرت اشعر بغربة كبيرة و انا بوسط اهلي و ناسي ... و حبّيت أحكي شوي مع ناس تفهم علي ...

...........................

ممكن أسألك :

** شو رأيك بموقف ابي بكر من الزهراء عليها السلام في فدك و في ارسال مجموعة من الهمج لتهديدها باحراق بيتها ؟؟؟!!!!!

** شو رأيك بموقف ابي بكر من الخلافة ؟؟؟!!!




و سلامي