[** مسلمة سنية **]

مشكورين جميعا ....... و ربنا يهدي الجميع ....

طبعك غريب نورت الصفحة و ربنا يوفقنا لما يحبه و يرضاه .........

الأخ نجف ليش حذفت مشاركة من العالم !!!! اعذرني بس الحذف بيضعف الموضوع ..... يعني اذا العالم كتب شي بالموضوع رد عليه بحجتك ..... هيك اقوى و ابعد للشك ........

اختي كانت بدها تيجي علي اليوم متل ما توقعت بس خبرتها انو زوجي كان بالبيت فاستحت و غيرت رأيها .... و حكيتلها انسي الكلام اللي حكيتلك اياه امبارح ..... طبعا ما رضيت و حكتلي لازم اشوفك ...... و خبرتني انها امبارح صارت تدور على معلومات و لقيت اصح كتاب عند الشيعة الكافي .... ما بعرف شو لقيت فيه ربنا يستر ... المشكلة انا ما بعرف اخبي شي يعني بحكيلها اني نسيت الموضوع بس صوتي فاضحني ....

كمان اليوم اخوي اجا يزورني ..... و هو بيعرف اني منزلة لطميات ..... طلب مني افتحهم خصوصا لم عرف انو عندي لطمية ليش تأخر عباس ..... يعني لو شفتو قديش كان مبسوط عليها و صار يضرب عصدرو متلكم و انا بحكيلو شوي شوي على حالك و صار يحكيلي هاد الحسين هاد الحسين غييييييير ......... و انا بتطلع عليه و بضحك ........ بس بعدين انتبهلي و شكلو تنبه للموضوع فغير نبرتو و صار يحكيلي نفس الكلام ديري بالك .... انتبهي ..... تنجرفيش في هاد التيار ........ حسيت نار ولعت جواي بعد هالكلام....... و ما حكيت شي بس جو القعدة اختلف كتير .... كيف بدي اقنعهم انو مو كل شي بيعرفو صح ...... و حتى قبل ما يروح رجع كرر نفس الكلام .........

ربي اريني الحق حقا و ارزقني اتباعه و ارني الباطل باطلا و ارزقني اجتنابه