منتديات أنا شيعـي العالمية

بسم الله الرحمن الرحيم
اللهم صلى على محمد وال محمد
حاب اقول لكم قصة تشيعي
اول شي اسمي خالد وعمري 25 سنه , بداية الدخول في عالم المذاهب وتعرفي بالشيعه كان عمري 19 سنه على حسب ما اذكر , كنت من مؤيدي الفكر السلفي فكر محمد بن عبدالوهاب حتى عندي كتاب من كتبه وكثير من الكتب الوهابيه الي تتوزع مجاناً اهني عندنا حتى نلقى بكل بيت فيه كتب للوهابيه سواء بيت سني ولا شيعي هذي الصراحه لان الكتب هذي تطبع بكثره ومشايخها هم المسيطرين في الكويت , وانا ساكن بمنطقة اكثرها من هالتيار , اكثر المشايخ بالمنطقه بصراحه ما عندهم معلومات دينيه قويه حافظين جم شغله وماشين فيها , المهم من اسباب تشيعي اني بديت اقرى كتب واحضر مجالس تتكلم على الشيعه وتبين لنا من هم الشيعه , كانوا يقولون لنا ان الشيعه يحرفون القرأن ويعبدون علي بن ابي طالب عليه السلام ويسبون السيدة عائشة ( الي تبين لي بعدها انها ظلمت الرسول صلى الله عليه واله وسلم ) ويسبون الصحابه وان المفروض النبوه نزلت على علي بن ابي طالب لكن جبرئيل واستغفر الله كان غبي وغلط بذهابه لمحمد (ص) , وكانوا يعطونه اشرطة صوتيه نسمع منها اقوال علماء الشيعه اذكر حاطين مقطع دعاء من الصحيفة السجادية ويقولون شوفوا الشيعه يقولون ان هذي اية من القرأن الكريم وحنا كنا نصدق , صرنا نكفر الشيعه انا وانا واخوتي ما شفنا هالشي وكنا ندعوا الشيعه للتسنن ونوزع عليهم شرائط صوتيه , وماكان في رد شيعي للأسف يغير تفكيرنا طبعاً انا قصدي من عامة الناس , بعد فترة شفت بالتلفزيون او بالنت ما اذكر التيجاني السماوي الي تشيع وعرفت ان عنده كتاب اسمه ثم اهتديت , فكرت قلت خلني اقراه واشوف شنو عندهم وليش تشيع مع العلم اني كنت من محبي القراءة حتى كان عندي كتاب يتكلم عن الجن وفيه قصة مضحكه ان يتهم جني بالرفض يعني التشيع , المهم نرجع لموضوعنا بحثت عن الكتاب لاني ما احب اقرى كتب من الانترنت وقدرت اجيبه , قريت الكتاب وبصراحه عجبني لان الكتاب كان مشوق كل ما اخلص صفحة ودي اعرف شنو بالصفحة الثانيه وهكذا واذكر خلصته بسرعه , واكتشفت فيه اشياء كانت خافيه علي المهم بديت اقرى كتب شيعيه مثل المراجعات وليالي بيشاور وقريت موسوعة الغدير كلها وقريت كتاب لمحمد صادق الصدر الي يتكلم فيه عن المهدي المنتظر كله وبصراحه هالكتاب حلو لانه يطرح افكار جديده , وكنت اقرى واتأكد هالكلام صحيح , عجبتني مصداقية الشيعه بكتاباتهم , لأن اهم شي الصدق لأن الكذب حبله قصير وهذولا الوهابيه على مدى مئات السنين يكذبون على الشيعه وبدأت الحقائق تظهر الأن والناس تعرف ان الكلام الي كان ينسب للشيعه مو صحيح وافتراء , من مشايخ الشيعه الي اعجبت بطرحهم الشيخ احمد الوائلي رحمه الله والسيد كمال الحيدري والشيخ جعفر الأبراهيمي والتيجاني السماوي وغيرهم لا يسعني ذكرهم كلهم , المهم واخيراً تشيعت وصرت اصلي مع اهل السنه كشيعي لكن لا اصليها صح كنت مجرد لا اكتف والباقي اصليه كما كنت اصليه كسني حتى اخوي الي اكبر مني استغرب وقتها وكان مطوع متشدد كل ما حطينا قناة قال اقلبوا حتى افلام اجنبية كانت ممنوعه بالبيت :d , المهم بدا يحاورني وكان من النوع العصبي حتى كنت راح اتهاوش معاه كثير من المرات , اذكر مره مسك التربة ويبي يكسرها حسباله صنم هههههههه , بس ما كسرها ولا سوه شي , المهم نرجع لموضوعنا بدى اخوي يفهم الشيعه وصار هادي اكثر ومتفهم وبدى يقولي الأشياء الي تصير معاه بالمسجد ومع مشايخ الوهابيه حتى في احد المرات قالي ان هناك من المشايخ من يمارس اللواط في المخيمات الي كان يسوونها وان هالشي سمعه من احد , وفي يوم قالي ان صار بينه وبين احد المشايخ الوهابيه جدال عندما سأل احد المصليين شيخ وهابي هل يجوز مساعدة صديقي الشيعي الذي يحتاج للمساعده قاله الشيخ الوهابي ليش تساعده واخوانك السنه محتاجين اكثر ولا يجوز مساعدة الشيعه , المهم اخر شي اخوي بدى يقرى كتب وصار شيعي ولله الحمد. هذي قصة تشيعي بأختصار وان شاء الله راح اكمل لكم بعدين لأني انشغلت الأن.