ماننساك

عدنان منعم · بتاريخ : 16-10-2014 الساعة : 01:41 PM

ابد ماننساك يبن المرتضى .. فرض حبك ابد مايرهم قضى
ياحبيبي ياحسين .. نور عيني ياحسين
ساكن بروحي وسريت وي الوريد .. ياحبيبي ياحسين
وحبك بنص الكلب دايم يزيد.. ياحبيـــــــــبي ياحســـين
بس محبـــتك بالحشر احنه نريد.. ياحبيــــــــبي ياحسين
بيك احنه الفايزين .. ياحبيبي ياحسين ..نور عيني ياحسين
احنه دنيه واخره بسمك نصيح ..ياحبــــــــــــتيبي ياحسين
نفدي منحرنه الك هايالذبيح ..ياحبيــــــــــــــــبي ياحسين
من طفوفك سيدي كلبي جريح .. ..ياحبيــــــــــبي ياحسين
وبهواك مسودنين .. ياحبيبي ياحسين ..نور عيني ياحسين
الحاولو رادونه ننساك ونعوف ..ياحبيبي ياحســــــــــــين
مادرونه عليك كل لحظه نطوف ..ياحبيبي ياحســـــــــــين
خل توذرنه اعلا حبك هالسيوف ..ياحبيبي ياحســـــــــــــين
يادليل الحائرين ..ياحبيبي ياحسين .. نور عيني ياحـــــسين
اليعوفك عاف دنيه واخره ..ياحبيبـــــــــــــــــــــي ياحسين
بغير حبك والله ضيع معبره ..ياحبيبي ياحســــــــــــــــــين
واحنه دوم وياك يابن حيدره ..ياحبيبي ياحســــــــــــــــين
دوم باسمك هاتفين ..ياحبيبي ياحسين .. نور عيني ياحسين

سنين عادونه وبعد نجرع سنين ..ياحبيبــــــــــــــي ياحسين
ترخص الارواح لجلك ياحسين ..ياحبـــــــــــــــيبي ياحسين
وحك جف عباس ساكن كل عين ..ياحبيبي ياحـــــــــــــسين
بيك نبقى هايمين ..ياحبيبي ياحسين ..نور عيني ياحسين
أي صرت مجنون من يوم الهويت ..ياحبيبي ياحســـــــــــين
بمنحري حبك يبو الاكبر شريت ..ياحبـــــــــــــــيبي ياحسين
خادم وبالخدمه ياسامع عليت ..ياحبـــــــــــــــــــــــيبي ياحسين
كل وكت حبك يقين ..ياحبيبي ياحسين نور عيني ياحسين
يلي بيك تجمعت كل الصفات ..ياحبيبي ياحســـــــــــــــــــــين
والحياة بدون اسمك موحياة ..ياحبيـــــــــــــــــــــــــبي ياحسين
بكربله وحسين اصبحنه اباة ..ياحبيــــــــــــــــــــــــــبي ياحسين
ياامام الثائرين ..ياحبيبي ياحسين .. نور عيني ياحسين

خادم الحسين 00 عدنان منعم