[خالد محمد مهدي]

(( أدّبني ربي فأحسن تأديبي))
*********
صوره من أخلاق الله أتجسدت
منهه لب الكون ولآجله أنوجد
حروف أسمه أربعه بأجمل رسم
بحره مايعرف جزر وبفيضه مَد
صار من الباري أمانه واجبه
خاف يحملهه الجبل منهه أرتعد
كل رساله بفجر نوره بشّرت
واليحبه بنار لو يوكّع برد
طالت سنين وقرون الانتظار
وبشّرتهه مكَّه هل اليوم أنولد
السنين أتمر على عمره الشريف
حتَّه يوم أقرأ بغراء أستعد
كصد يمَّه الكون بخضوع أو وفاء
يريد يوفي أله آيات الوعد
أنرسمت احلآم الزمان أعله الرموش
رب غفور وآمن بجاهه البلد
حمل بجفوفه الكريمه كل ربيع
ورد وثمار وغيَم تمطر بـَرد
والأدب من النبي أتعلَّم أدب
أدَّبه وأحسن بتأديبه الأحد
أستبشرت أم القرى والرحلتين
صار تاريخ ألهه بمجاده خلد
أعلن التوحيد والسر أعلنه
وزود ابو الحسنين أله سيف وسند
أشرق بوجه الظلآم أجمل صباح
نوره لجروح المساكين الضمد
صاحت الاصنام ماظل كل أمل
غاب عن حجارنه طير السعد
وين جنَّه أوَين صرنه بهل الزمان
لابكّت راحه ولا نومه برغد
لاقرابين وهدايا ولا نذور
أعلن أفلاسه هبل شال وبعَد
عاشت الايام بألوان السرور
زمن طه بالمعاجـــــز أنفرد
كل نبع للخير جفَّه منبعه
ومن ينابيع المودَّه الكل ورد
علينه تم تبليغه من نصَّب علي
وكَال ياأصحابي يم حوضه المَرد
صرنه شيعه نوالي حيدر للمات
علي اصل الدين وأصل المعتقد