[ابوسيف الكيتاوي]

بسم الله الرحمن الرحيم
قصيده للشاعر الشهيد رحيم المالكي



لاتلوم العين وتنشف الدموع
أشضارك لو دمع صبت عيني

لو تعرف أسباب نوحي وليش أنوح
جا صرت عبرة وتجي أتبجيني

أنته ماعندك جرح تبجي عليه
أوين تلكة حسين مثل حسيني

كون مثل حسين عندك دلني بية
وين هذا حسينكم دليني

لكن أنت أمنيلك ومنين أجاك
أبيا هو منهم تكدر اتباريني

حسين من دمة وضع للدين أساس
وحاولت ربعك تهدم ديني

وهيه لو ما كربلة اوكفت حسين
أنة مدري اليا شمر تهديني

أنا مو بيدي أذا أذكر حسين
هيه تركض للصدر جفيني

حسين ثار الله ومحمد وصى بية
وعن وصيته النبي مايعفيني

أحسين ثارة وحاشا ينسى ثار
وعن قريب الصوت اله يناديني

تري تلهيني واكلك مستحيل
حسين ثاري وعنة ماتلهيني

ممكن تهدمني بس يبقى الأساس
شما يمر عاشور هم يبنيني

الف وتلثميت عام وانة هاذ
وعجزت سيوف الظلم تثنيني

أشكثر جم حجاج مرو بالزمان
وحاولت كبلك دول تمحيني

أنة سجت شرف وجروحي كزاز
ياجدم حافي الكدر يمشيني
ياجدم حافي الكدر يمشيني

الفاتحه يرحمكم الله

[أم كميل الكلابيه]

رحم الله الشاعر الشهيد رحيم المالكي
قصيده راائعه
أحسنت أخي أبو سيف على النقل الموفق
تحياتي الأخويه

[فنون الليل]

اللهم صلِ على محمد وعلى آل محمد الطيبين الطاهرين وعجل فرجهم


بارك الله بك

موفق

[قاسم حتروش]

عزيزي أبو سيف
أن دل هذا النقل على شئ
فأنما يدل على ذوقك الرفيع
بارك الله فيك