[سعد مطلوب]

(( ياعراق ))

ياعـراق شـــــلون كلي الچــــاره ... صرنه لشــــــباه الزلم معبـاره
ياعراق بيا وضع ننشــد عليــــك ... ندري وضعك ماتســر أخبـاره
وندري طحت أبين تسليب أوذبح ... والله نـاس التـحُـكُمـك غــــدّاره
خَلّصينه العمر بس لوعـه وهضم ... ليش من دون البشــــر بحــاره
صرنه بالبـلدان نســـئل عاللجوء ... وصار تهريب العراقي أتجـاره
بالله كَلي بيـــا وكَت وبيــا زِمـان ... ذاك من ذاك الحفظ خطــــــاره

وأرد أنشدك ليش صرنا بلا أمان ... مو چنت تـأوي الذي محتـــاره
يـلي علمت الأمم معنــا الابــــــاة ... يانبـع كَل العــلم واســــــــراره
ياحضــاره أمتدت الاف الســـنين ... بفكـرك العـالم يشـــع بأنــواره
شــلها شـــلها وكَوم يارمز الأبـاء ... موجديـده أعليــك هاي الغـاره
بثورة العشــــرين حيـرت العقول ... شــــلون صَدت أبفالتك طيـّاره
بواحد أوتســعين هديت الطغــات ... وهدمت صـــرح الكفـر بفكاره

الياس خضر فوكَ جثمان الشـهيد ... ينتظـر وين الينــادي بثـــاره
يا أمام تشـــــــور بلايـه ضـريـح ... ندري للباكَك تضربه أبشــاره
أيفوح من كَاعك عطر والله شحلا ... عطــــر كافل زينب أو كـراره
كَلي ياهو المَعتنه لأرضك يـــزور ... أو يا مضيف البيك تطفي ناره
بيـك رب الكون ظم ســره وخفــا ... أوبيــك كل مُرســل تشـيّد داره
بالله كَلي اليندفن عِنده الحُســـين ... شـلون ما يعله أبفخر شـنياره
************
بقلم سـعد مطلوب الخفاجي

[رياض الرسل]

السلام عليكم

سعد الخفاجي

موفق على هذه الكلمات
دمت بكل خير حبيبنا الغالي

رياض الرسل

[ثورة الحسين]

شكرا على الموضوع القيم والرائع
تحياتي
واهدي اليك هذه الابوذيه بقلمي
ــــــــــــــــــــــــــــــــــــ
كلبك اشكثر يحسين شال _هم
ورضيعك شرب دمه ماي_هم
وزينب بالصبر شاركتكم _هم
وبالشجاعه معروفة بت الزجيه

[سعد مطلوب]

الاخ الكريم
رياض الرسل
حبيبي الغالي ابو محمد الورده شرفتني بهذا المرور المبارك
اسعدني اطرائك الرائع خالص شكري وامتناني اخويه العزيز
تمنياتي لك بالموفقيه .

[سعد مطلوب]

الاخ الكريم
ثورة الحسين
عزيزي الغالي عاشت ايدك على هذهِ الابو ذيه الرائعه والجميله
خالص شكري وامتناني لمرورك الرائع تمنياتي لك بالموفقيه .