[عدنان منعم]

يارسول الله نظره ..للعراق انته تحظره
موطن حسين .. موطن حسين
ردت عليـــــــــــــــنه اميه من جديد
وهذا مروان الرجـــــــــــع وي يزيد
رادو الشــــــــــــيعه تظل عدهم عبيد
واحنه ولد حـــــــــسين مايهمنه الوعيد
بالكلب ياطه جمره .. للوطن رايد تحظره
كعبة الدين .. موطن حسين
رادو نبارح محبــــــــــــــتك كل زمان
مادرو للروح بــــــــــــــــس طه امان
انته حبك سيـــــــــــــــدي عطر الجنان
الحنان الشـــــــــــــــــخصك يزيد الحنان
مولدك هل زاد عطره ..للعراق انته تحظره
بحظنه باقين .. موطن حسين
تحزمت اهل الضلاله اعلى العـــــراق
وردت اعلينه السقيفه والشــــــــــــقاق
السعوديه وقطر اصل النـــــــــــــــفاق
الوظع ياطه اصـــــــــــــــــبح لايطاق
الوطن هل خلص صبره .. للعراق انته تحظره
دمعة العين .. موطن حسين
جي نحبكم حاربونه ومانــــــــــعوف
ونبقى انصار وعلي لوادي الطفوف
نعتني ممــــــــــشه ونظل بيها نطوف
ومانعوف الكــــــــــمر ونقبل الجفوف
تطوف ويانه الزهره ..للعراق انته تحظره
كرة العين .. موطن حسين
عذرا بمولدك اشكــــــــــــــــــيلك هموم
الظلم ياسيـــــــــــــــــــــدي علينه يحوم
اتجمعت فوك الوطن ابشــــــــــــع غيوم
وماخضع موطني ظـــــــــــل فوك الغيوم
واليضدنه يحفر كبره ..للعراق انته تحظره
بدربه ماشين ..موطن حسين
بيك نتــــــــــــــــــفاخر علا كل الامم
يلي فكرك نهـــــــــــــــــج للعالم رسم
الغيـــــــــــــــــــم منك والله يتعلم كرم
تمـــــــــطر على الكون اخلاق وحكم
انته ياوالد العتره .. للعراق انته تحظره
يعله كل حين .. موطن حسين
خادم الحسين .. عدنان منعم

[عبدالله خلف العتابي]

احسنت اخي عدنان منعم
في ميزان اعمالك
اخوك
عبدالله العتابي