[عدنان منعم]

يامحمد – شيعتك صارو يتامه
يامحمد – وموتتك صارت قيامه
يامحمد – يامحمد
ياابونه واحـــــــــــنه من دونك يتامه
يانبع منه صــــــــــــدر فرع الامامه
الشيعتك ياسيدي حــــــــــــبك علامه
بدون شخصك والله عالدنيه السلامه
يانبينه – انته يلســـــاكن دليـــــــــــــلي
يانبينه – حزن بمـــــــــــــــصابك ياليلي
راح وبعدك ماسي يظل عـــــــمرنه
السقيــــــــــــفه تحزمت هيه ودهرنه
واحنه نبقى وياك واظح ظل امرنه
وبالقيامه سيـــــــــــــدي انته فخرنه
والله محنه – روحي لمــــــــصابك حزينه
والله محنه – واحنه بمصابك يمولاي اسنبينه
بينه نوح وبينه لمــــــــــصابك مناحه
والدليل يصـــــــــــيح مايخمد صياحه
كلب كل شيعي فلا تشــــــــفه جراحه
من رحت ماشفـــــــــنه يامولاي راحه
يادموعي – تجري مادار الزمان يادموعي - وبالحشر هيه الظمان
ياابو الزهره الك دوم الحــــــنين
ومن نريد نزورك نزور الحـــسين
فدوه لسمك ســـــــــيدي كل السنين
والانين بروحـــــــــي دايم هالانين
للزجيه - العزه دايـــــــــم نرفعه
للزجيه - والموالي صعب وضعه
يارسول الله يومك بيـــــــــــــنه نار
من بعد عينك علــــــــــينه الغدر دار
علنو يذبــــــــــــــــحونه ياطه جهار
واحنه بايعناك ماهمــــنه الي صار
مبايعينك – والعهد بلدم صــــــــــــــبح
مبايعينك – وابد ماهمنه الــــــــــــجرح
ثارك وثار الزجيه والطـــــــــــــفوف
وطبرة الكرار ومصاب الجــــــــفوف
وعين زينب للسبي هيه تــــــــــشوف
وننطر المهدي اليذل كل الــــــحتوف
ياغياب – ننطره لحد المــــــــــــــمات
ياغياب – تبايــــــــــــــــعك بس الاباة
خادم الحسين - عدنان منعم

[عبدالله خلف العتابي]

احسنت اخي عدنان منعم
في ميزان اعمالك
اخوك
عبدالله العتابي