[عبدالله خلف العتابي]

لسه اثار جفّك واضحه اعله الجود
ياراعي الضعن ياهيبة المصحف

ياحامل الرايه ابزود من ادماك
تاج امن الرسول وتاج فوك الطف

غيضك من طفح ماشالته الاكوان
صناديد العرب مولاي تترّجف

لان اصلك ذهب والباقيات اتراب
خوفك عالاخو الصابر شهيد الطف

ملايين البشر خانت عهود حسين
وانته يافحل من كلّ زلم اشرف

سيوف وي الرماح اتخالفت وسهام
وسيفك ياكمر هاشم ابد ما جف

ويا اجمل اسم سمّاك حيدر بيه
ويا اجمل بدر شع بالسمه وشرف

ويالجفّك خلاص امن العطش والضيم
وسيفك سيف نور وجربتك مصحف

يبن حيدر علي الما خيّب الامال
واريدك بالضعينه اليوم تتكلّف

علي حيدر لهاذه اليوم ضمك بيه
وانته يا اسد في صولتك اعرف


خادم اهل البيت (ع)
عبد الله العتابي

[جعفر المندلاوي]

رائعة بمعنى الكلمة ..
بارك الله فيك .. وعلى العطاء المتجدد دوما على محبة آل محمد
خالص المودة والتحية يا اخي العتابي