[عدنان منعم]

تعنه للحومه وخافت العكسر.. صاحو دخيلك ريض يالاكبر
طبها تربات المراجل هذا الاكــــــــبر والنعم
اسد طب صوب الشريعه وغنم صارت موزلم
سيفه يرسم رسم بيهم اصــــــله من ذاك الشهم
والعزم عباس صاير والله معروف العزم
والعده صاحت ياربي استر..صاحو دخيلك ريض يالاكبر
هذا ابن حسين هذا والاصل حــيدر علي
جاالاسد فقاره بيده والوكفله مبتــــــــلي
احتارت اركان المعسكر هذا طه لو علي
هذا الاكبر واظح اصله اعلا المعالي معتلي
يكبر وسيفه بالعده ينحر ..صاحو دخيلك ريض ياالاكبر
ماتخوفني المنــــــــايه الحومه ملعبنه صفت
اترس الحومه بدماهم ان رضت وان مارضت
الحومه لفنون الشهــــــــــامه والبرك سبفه هوت
وراية الحق والله بيده للســـــــــــــــمه هيه علت
هزبر وعودك والله هزبر..صاحو دخيلك ريض ياالاكبر
ملحمه نكتب قصــــصها احنه ولدج فاطمه
نخلي طف الغاضريه اعلا العساجر حاطمه
نرسم احدود المــــــعاره يالوديعه من دمه
راية العبـــــــــــاس بيدي وهاي رايه غانمه بسيف ابو الحملات اهدم المنكر..صاحو دخيلك ريض ياالاكبر
تمايلت ارض المعاره علي الاكبر من كصد
برق صار اليوم الاكبر وعالعده يرعد رعد
كام يحـــــــــصد سيفه بيهم ابد ماواحد صمد
وعد صرح بيه الاكبـــــر ودوم مايخلف وعد
سيل عالعدوان هاليوم حدر..صاحو دخيلك ريض ياالاكبر
انه تربات الكرامه وعمي عباس الكمر
سيفي بيدي اعلا المخيم ابد ماواحد يمر
العمر لجل ابو اليمه دوم مرخوص العمر
افدي دمي وافدي روحي والله محسوم الامر
اتبختر بزودوك انته اتبختر.. صاحو دخيلك ريض يالاكبر
اليوم ارض الغاضريه اليوم نار وحاميه
افني كل هاي العساجر لجل عين الضاميه
ال اميه بكل حقدها عالمــــــــــخيم راميه
والمناحر للعقـــــــــــــيله كلها فدوه وداميه
لزينب الحره افني المعسكر.. صاحو دخيلك ريض يالاكبر
خادم الحسين ..عدنان منعم