[جعفر المندلاوي]

نهج الهدى
============
بقلمي جعفر ملا عبد المندلاوي
5 محرم 1444هـ :: 5-8-2022
على نهج الهدى تبقه عقائدنه = تظل مترسخه ودايم مبادئنه
لمظلوم الطفوف ابْـدا = تظل تصدح حناجرنه
(1)
نظل كل عام عاشوراء نحْييها
نواسي المصطفى والمرتضى بيها
نواسي فاطمة واشما جره اعليها
ليالي احزان آل البيت نبـï®پيها
ولا تخفت ابد شعلة مواكبنه = مع الايام ظل ثابت مواقفنه
على نهج الهدى تبقه عقائدنه
(2)
على طول الدهر ننصر قضيتنه
عميقه وراسخة بالحق حقيقتنه
نحب آل النبي من يوم طينتنه
عقيدة وما نزل عنها مودتنه
تظل تضوي على الدنيا منابرنه = نواظب ما نمل نعقد مجالسنا
على نهج الهدى تبقه عقائدنه
(3)
يطف العزّ عزيز الصار محرابك
أبو السجاد نور اليضوي بترابك
كرامة الباري يرفع بيها رتباتك
نجيك على المحبة ونحضن اعتابك
يمولى الكون يا نبراس عزّتنه = يمجد الكبرياء البي كرامتنه
على نهج الهدى تبقه عقائدنه

(4)
دموع العين زمزم عالولي تجري
صُبَح كعبة عشق نسعى بشغف عذري
شعائر للطواف على الگبر نجري
مثل مروة وصفا ما بينهم نجري
نقيم بكل فخر عندك شعائرنه = فرض نگضي على اعتابك مناسكنه
على نهج الهدى تبقه عقائدنه
(5)
على الشاطي ارتقى ï®پفين عبّاسه
رفع راية محمد يرعى ناموسه
بطل رمز الكرامة وبيده مقباسه
حضن ماي الفرات بجوده واحساسه
شبل حيدر يضحي بيسرته ويمنه = لاجل يسقي العطاشى يحمي عن دينه
على نهج الهدى تبقه عقائدنه
(6)
علي الاكبر مع الأعمام والقاسم
اجو زينب بيديهم راية والصارم
اجت انصارهم تحمي بني هاشم
حبيب أوفى العهد أولهم يهاجم
يآل المصطفى أنتم مفاخرنه = اساس الدين حبكم واحنه عاهدنه
على نهج الهدى تبقه عقائدنه
(7)
مع الايام ظل عالي علم ديني
فكد كيدك فلا تمحي عناويني
فضاء الكون تهمي العين لحسيني
ولا شح الدمع يا نور البعيني
نعاهدكم على درب الهدى سرنه = نظل نحيي محرم كل شي ميردنه
على نهج الهدى تبقه عقائدنه

[صدى المهدي]

اللهم صل على محمد وال محمد
احسنتم ويبارك الله بكم
شكرا لكم كثيرا
مأجورين

[جعفر المندلاوي]

اقتباس : المشاركة الأصلية كتبت بواسطة هدى الولاية [ مشاهدة المشاركة ]

اللهم صل على محمد وال محمد احسنتم ويبارك الله بكم شكرا لكم كثيرا مأجورين

حفظكم الله تعالى
وتقبل الله عزاؤكم وآجركم في مصائب آل محمد ووفقكم لكل خير
مع وافر التقدير