[ابو معاد النجفي]

كوم ياعباس وارفع راسها
زينب تناديك ياعباسها

زينب تنادي ترويها العده
من جفن سيفك تشربه الرده
تريد منك نذر وتريد الفده
تكطع انذال الكفر وانفاسها

تكطع اوصال الكفر وابن اللعين
الحارب العتره من الكافرين
والوكف بالطف ضدك ياحسين
من كفر وانصاب هاي ارجاسها

شلت الكفار نسل ابنك زياد
عاثو بهل الارض كله وي العباد
حرفو بالدين ماينفع ضماد
شجره سوده تنقلع من ساسها

شجره سوده ساسك انته يايزيد
يانسل مرجانه وانت من العبيد
كلي بااهل البيت منهم وشتريد
انته الشيطان بل وسواسها

انته شيطان البشر ياابن الدعي
تحارب اهل البيت واطفال النبي
وبالقيود تروح زينب تنسبي
انت والشمر التظل حراسها

زينب تناديك ياابن حيدره
انت كافل محملي رغم الجره
كوم ياعباس خويه وجبره
كسر البكلبي تدك اجراسها

كسر البكلبي صعب ماينجبر
خويه ياعباس الهم بالصبر
علميت الزمن ياخويه الخدر
مايبان اله طرف ولراسها

خادم اهل البيت

ابو علي السعيدي

[ابوتكتم الخير]

عظم ألله لك الأجر
بمصاب الأمام الحسين
أحسنت جعلها ألله في ميزان حسناتك
تشفع لك زينب
تلميذكم
ابوتكتم الخير

[الشاعر حسن خليفه]

اللهم صلي على محمد وال محمد

والحمدالله على نعمه الايمان وبر كه الولايه

قصيده رائعه ولائيه الحروف ايمانيه المعنى

بارك الله بك وجعلك من اتباع محمد وال محمد

صلوات الله عليهم اجمعين

وتقبل مروري المتواضع

خادمكم الشاعر

حسن خليفه

تحياتي