[زكي الياسري]

ابيات اهدي ثوابها الى اموات القراء الكرام واموات شيعة امير المؤمنين من لا ذاكر لهم يذكرهم .. واسألكم الدعاء
طور القصيده (مفروض علناس حبك يا علي) للخالد حمزه الزغير

يحسين يحسين .... احنه شيعتك
يحسين يحسين .... ردنه الحضرتك
وهناك يابو الاكبر اهناك ... هاك الكلب هاك
.................
ياحُسين الشيعه ناجت ربهه وبدمهه حراره
شوكَهه الكَبتك جواهه والكَلب مستعره ناره
جمر بعدك يبو اليمه وصل للمدمع شراره
يحسين يا سبط النبي ... تيَهنه برض الاجنبي
لو نرد نحبيلك حبي .... يلمحبتك بالصداره
يحسين يحسين ...... منك ما نمل
يحسين يحسين ...... لو نخلص جتل
ما نكدر احنه اشلون ننساك
هاك الكلب هاك
+++
يا حُسين ابليل الاظلم بس نجومك تضوي لينه
يبو الاكبر وبنهار الغربه ذكرك يسلينه
ومن نِتَيــِه درب جدك يرد صوتك يدلينه
يحسين اسمك معجزه .... عقل اللبيب ايعجزه
خادمــك .. نقطه وفارزه .... هذا يشفعله نبينه
والله والله ...... اقسملك قسم
والله والله ...... والحِل والحرم
يعبر صراط المحشر اوياك
هاك الكلب هاك
+++
يا ضياء ومد شعاعه وشمل ارض الباري كلهه
وصارت الدنيه بطريقك ماشيه بسرهه وعلنهه
امن الهـــِنِد للقطب ثوره والبشر عقدت املهه
منك خذت كل الخطط .... نفس النهج نفس النمط
مو زينه تسكت عالغلط .... وغاندي تعلم درسهه
مضلوم مضلوم ..... حته ينتصر
مضلوم مضلوم ..... سمعه يفتخر
كل بطل ماخذ من سجاياك
هاك الكلب هاك
+++
يا ابو الاحرار صرخه خل نناقش محتواهه
اطلقتهه ابكربلاء ولســـــــه هليدوي صداهه
هيهـات اذلن من صحت شمس صارت وبضياهه
دين الله رد يضوي السمه ... من عطش رويته ابدمه
وعباس من سل صارمه ... حكَه دين الله ايتباهه
عباس عباس ..... هذا ابن الفحل
عباس عباس ..... راواهه الاجل
بسم الله راية علي ابيمناك
هاك الكلب هاك
+++
يا سفينه ومن ركبهه ناجي مسنوده الروايه
بالصحاح السته اقره يالي تبحث عن درايه
معلوم اذا رج العمد لابد اتطيح البنايه
يحسين يا اصلب عمد ... وفيت للباري العهد
وبدمك الدين انسند ... وانت طبقت الوصايه
ليزيد ليزيد ...... عباد الصنم
ليزيد ليزيد ...... مرغت الخشم
شهدت ابنصرك يالوفي اعداك
هاك الكلب هاك
+++
السيف لليعرف اوصافه باشق وقاطع ولامع
وانت دمك للصفات السالفه يحسين جامع
حيث اول مره واخر مره تندار الطبايع
سيف الي حز نحرك افل ... زرع الي شن حربك ذبل
ولسان من ضدك شلل ... هذا منهاج الشرايع
معلوم معلوم ... من دور الازل
معلوم معلوم ... لو لله العمل
خالد يدور ابدور الافلاك
هاك الكلب هاك
يحسين يحسين ..... احنه شيعتك
تمت يوم 24/07/2009 في الساعه 02 بعد منتصف الليل
نسالكم الدعاء .. زكي الياسري

[نجف الخير]

السلام عليكم

احسنتم سيدنا العزيز على هذا النفس الولائي العطر الله يبارك فيكم ويرزقكم شفاعة الامام الحسين عليه السلام

دمتم بود

[زكي الياسري]

حياك الله يا ايها العزيز .. اسأل الله ان يسدد خطاك ويوفقك لكل ما هو حَسَن .. مرورك العطِر زادَ حُـــروفي رونقا

[نسايم]

اللهم صل على محمد واله الطيبين الطاهرين

جعلنا الله واياكم من المتمسكين بحبهم وممن ينتهج نهجهم ويتولاهم في الدنيا والاخرة

بورك قلمك الولائي أخي الكريم

أثابك الرحمن ..

[عاشقة النجف]

بسم الله الرحمن الرحيم


اخي الكريم زكي ..
لاجف هذا القلم العلوي اللذي ينبض بحب سيد الاكوان..
تنحني الحروف بين يدي ابياتكم لتعلن انها صريعة على عتبة الابداع..
بارك الله بكم على هذا الولاء العلوي
اتمنى ان ارى جديدكم الاجمل بعون الباري ..
موفقـــين

[زكي الياسري]

مرة ً اخرى اجد نفسي خجلاً امام هكذا اطراء منكما .. اسأل الله ان اكون دائماً عند حسن الضن