|
|
عضو جديد
|
|
رقم العضوية : 353
|
|
الإنتساب : Sep 2006
|
|
المشاركات : 7
|
|
بمعدل : 0.00 يوميا
|
|
|
|
|
|
المنتدى :
المنتدى الثقافي
سهرة مع خمرة
بتاريخ : 18-09-2006 الساعة : 12:46 AM
ٍِِسهره مع خمره
ﮔـالوا لي الخمر لأهل السكر والكيف.................
عوف الكيف عنك لا بعد تسكر
ريحه اتفوح منك ما هي بالأحلام.................
لو مريت عالنعسان يتخدّر
ﮔلت اشعاد ارجي من السكر ياناس.................
مو طبعي السكر ولا طبعي المنكر
ﮔـالوا اشعندك اتميل يمين اشمال................
ﮔلت حسين جنني اشبعد اﮔدر
خالي امن الكحول اتباوع بعيناي..................
شتظن الروح مسرح بيها نتنكر
عاشـﮓ آني وألوان العشـﮓ مليار.................
لا ألفين لا مليون والله أكثر
و حسين السحر عـﮕلي بجفون سيوف................
سابيني سبي ودلالي طره طر
وحـﮓ العله سبعه وبيها كل لملاك.....................
ولنزل سبع خالـﮕـهن الحيدر
لو ليله تعوفن قيس ليل انهار.........................
آنه اشعذري لو خليت أبو الأكبر
كل مجنون بفنون العشـﮓ ينلام......................
او ما انلام لن عشـﮕـي ترف وأخضر
شتلومون شفت الليل كتره ايحوم.....................
خاف امن الشمس تطلع او يتأثر
أنه العباس شفته ايقبل الـﭽفين....................
وانه اجداره ابوسه حـﮕـي و أكثر
احله من العسل عشـﮕك يبو الأحرار...................
شهد او شهدك بهالعالم اتنثر
يا أترف ترف حطيته جوه العين........................
عله اهروش الدليل اتخطه وتبختر
يا قصة عشـﮓ يتلوها جبرائيل.....................
مو انته العشـﮓ يا أعذب من الدُّر
حسين مو عالـﮕـاع تتخطه وتطيح...................
لو عالروح تمشي وتوﮔـع او تعثر
لبيع الروح وتوذر لجل عيناك.....................
ولعيناك ميته مره اتوذر
مو ابس لفاك بفد وكت وانزال.....................
آنه بكل وكت عشـﮕـي الترف أحمر
طرزت النجوم بلولو وي مرجان....................
وبثوب الليالي النايم اتصور
رﮔصت النخل بفنوني يا مولاي..................
واقريتك عله اكتاب الذهب مرمر
انته اللي الشمس حارت بسر معناك.....................
منو آني واظل بسرك اتفكر
ولو منته جبل وهويت يا مولاي....................
ﭽـان الباري قلت انته دليلي فر
من شفتك نهر تروي الحياة بموت...................
هم قلت انته ربي بشنهو اتعذر
حته بيوم راسك شفته فوﮒ اسنان.....................
آمنت بإلهي و بيك يا جوهر
ذابحني العشـﮓ داويني يا مولاي....................
مو عابس تجنن بيك وتـﮕنطر
رويني بنهر حبك يراعي الزود......................
يا زهره بـﮕلب كل الزلم تزهر
يا قصة أمل متمثله بعيناي.....................
مهما الموت ضمك تبـﮕـه تتصور
وﮔـالوا لي الخمر لأهل السكر والكيف...........
عوف الكيف عنك لا بعد تسكر
********
بقلم أقل خُدَّام الدين خادم أهل البيت (عليهم السَّلام)
(( الــــرَّادود ))
5/8/1427هـ - 2006م
| |
|
|
|
|
|
المواضيع المتشابهه
العرض العادي
