[الموسوي2009]

بالضماير ** والسراير ** يحسين ألك تمثال *** مهما تمر أجيال
**** ********* ****
1- لو نسكت والصمت أنلزمه احنه أبحبك معروفين
ماكو داعي انفوه أبكلمه حسين احنه واحنه حسين
بطرف ألسان الواحد اسمه ودوم أترد بيه الشفتين
عزة نفسه وطبعه ورسمه متجمعين أبوسط العين
* في المشاعر** والخواطر** في المدمع الهمال ** مهما تمر أجيال
*** *** ***
2- أصبح دم بينه ويتنقل حبك وأتمركز بالروح
حبك يحسين وشنسولف عن وصفه ياوارث نوح
شماگلنه عنه ما نوصل يم وصفه وأبدا" منلوح
هذا احساس وبالدم يسري انموت ومنه ميروح
* بالمهاجر ** والمقابر ** في شتى الأحوال ** مهما تمر أجيال
*** *** ***
3- مو من اجل الجنه انحبك ولا خوفن من عند النار
بس شفناك الحق هوه انته واعداك الباطل واشرار
كل عاقل يسمع عن قصتك غيض امنعداك ايشب نار
وهذا الحب البينه اوراثه اتورثناها واحنه ازغار
* اذ نفاخر او نكابر بحبك ربينه اعيال مهما تمر اجيال
*** *** ***
4- شهدت كتب الباري أبشخصك واسمك ظل بيها مذكور
بالإنجيل وكل توراته وبالقران وبالزبور
يالاسمك في عرش الباري منقوش حسين ومحفور
ومطرز بگلوب ألشيعه ويشعشع يحسين أبنور
* بينه صاير ** وبينه داير ** ويغذي الأوصال ** مهما تمر أجيال
*** *** ***
5- ياقصه ألما مثلك قصه ويا واحد واعداك الكون
يامن صرت ألهذا العالم رمز وعزه ونخوة وعون
ميبغضك اله ابن الباطل وابن الشيطان الملعون
واحنه أبحبك يابو أليمه صحنه أفداك الروح أتهون
* لو نخاطر ** بالمناحر** فيكه نجد منوال ** مهما تمر أجيال
*** *** ***
6- منهو اليگدر يذكر اسمك وعيونه متصب أدموع
بأول حرف انجر ألونه ويذوّب من عدنه أضلوع
والثاني بيه هاي المقلة أتفيض وبالدم اتموع
والحرفين الضلن غصة بيها الروح أتون وتلوع
* انته حاضر ** بالمعاشر ** رغما على الدجال ** مهما تمر أجيال