[سفينة البحار]

المصايب جبدتي بلوعه فرتهه
وعلي دورة دموع وهم فرتهه
اشوف الماي يجري في فرتهه
وتجري عيوني من غصبن عليه


لكم ودي وتحيــــــــــــــــــــــاتي

[القلب الاسير]

حبك يا علي بالروح والعين
ولبن ملجم اسبة ودوم والعن
كلبي الي نبض بالام والعين ......... حرف (ل)
وجعلته سلاح حرف الياء الية .............................. يا ...... علي
بوركت ووفقت وابدعت اخي وحبيبي وعزيزي الفاضل
ابو ياسر الكعبي
تقبل مروري وجل احترامي
الاقل
احمد رفيش

[سفينة البحار]

الكبير احمد رفيش والغالي ابو ياسر الكعبي
جل احترامي وتقديري لابداعكم

لملم لمام المله ليلوم من لام اله
يملي الليالي امل من مثله امل لا مله
ما مال ميل المله ما للحرب لامه اله
عيت عليه العرب عن نزعته لامته
واعوت عواء العون وعلى العدل لامته
عن العوج عنكم عينك عفت لامته
يالاولك ناظري .. ويا .. بالوسط لام اله

تحيـــــــــــــــــــــــــاتي

[ابو ياسر الكعبي]

دعوني اشارككم بالموال (الزهيري)


گلّي أشوفك تِهِـم بس بعلي مَـن علي
گتله عليِّ العلي مِن العلـي مـن علـي


گلِّي تِـهِم بالحشر گتله علي مـن علـي
گلّي النبي بالنبي ابحق علي اشوصّه النبي




گِتلـه النبي والنبي وصَّه بعلـي والنـبي


وگال الخلافـه العلي الما نَـبـي والنـبي


والعلي لولـه علي دين الـعلي منعُـمـر


گلِّي إعتُمَر من عُمـر ليش الشـرع مَن عَمـر


گتلـه عُمَر واسکتت گلِّـي عُمَـر مَن عُمر


گتله الخلافه الخذاها بالغصب مِن علـي


***

[زكي الياسري]

صفقت بحرارة و انا وحيد
فلا تعجب ان جنّ جنون المستمعين لهذا الموال في الاحتفال يا ابا ياسر



وتحية لكل المبدعين الذين شعشعت حروفهم لتنير سماء الشعر ببدائع الروائع


كَلك تهيم ابعلي كَِــلـّـه الكَـلـُــــب لافِته
مكتوب بيها علي وغير الوصي لا فته
مو مثل أهل الغدر دين العلــــــــي لافِته
وخلت جميع البشر وسط القهر عايشه
من يوم ذاك الجَمل من ركبتــــه عايشه
غلطــان من ناصبي كَال ابسِلـم عايشه
من حيث كل ناصبي مثــل الخليفه يلف
يبكَه وصخ لو دَهر تكَضي بخدوده يلف
و من ينسأل هل فِته الشيخ بعدائي يلف
و يكَول شيخي ابذبح لاما فِته .. لا فِته

يسقط النواصب

[ابو ياسر الكعبي]

مشغوف گلبي وبنات الشعر ولجّنه

وَدّنه للهيِّـمَه بهـواه ولجنّه

أعني إمامي إمام الإنس ولجّنه

واضح وضوح الشمس حُبي إله ولاخاف

مانگص لحظه إبيسر اوّكت العسر لاخاف

من نار منبع سقر لا أنثني ولا خاف

مولاي حيدر قسيم النار والجنّه


:

إبوجهي حُب علي واضح ولا خاف

بحر لاما نگص مدَّه ولا خاف

أطب للنار بِمْحبته ولاخاف

لأن بَرد وسلم تصبح عليه

[سفينة البحار]

الرائعون .. المبدعون
لكم كل التحايا والاحترام

كفك يكهف الصبر كم عين اهو كفكف
وكفيت بيك الكفه كفوف الكفر كف كف
كف كافي يالايمي عن ودهم كف كف
ولنهج آل النبي ابسط يخي كفك
يكفيك حبهم شرف وبدنيتك كفك
فك كفك بلا كفر عن الحجي كف فك
بس اللئيم الذي فك فك اله وكف كف

تحيــــــــــــــــــــــــــاتي

[ابو ياسر الكعبي]

سفينة البحار

وأنّك لأروع

أقول في الامام الحسن السبط عليه السلام

والصفه وجه الحسن محّد گـدر وصّفه

والصفه بسابع سمه رب البشر وصّفه

وصّفه بنور العـرش من الأزل وصّفه

مروه ابّطون الكتب مثل الحسـن مروه

مروه ابّحـار العِلـم لهل الفكـر مروره

مروه آنه من كـوثره إي والصفه مروه

والصفه بس للحسن بحر الكرم والصفه

[زكي الياسري]

شرد آنه اكَول وأهــل بيت الشعـــر قافله
حاديهه يحدي الكَلــب عن الحِــزن قافــله
و قاموس نظم الكلِــم أقلامَهُــــــم قافـ اله

قم قم يحامي الحــرف خط بي شعر قم قم
يسحرني خل من صدكَ جن مارد الـ قم قم
خل بي تهيم النجــف يوصـــل صـدا قم قم
و اطيني من كل بحر بعــــد الجــزر مد مد
مضموم لو منكسر مـــرفـــــوع لـو مد مد
كل همي بيه اعتكــــــــــف سِجادِته مد مد
من حيث من ينقره يسيــــل الدمـــع دم دم
لو مثل وقع الرعد مـــن بالسمــــــه دمدم
و بدال تِك تِك يرد صوت الكَلــب دم دم

حتى آنه اصيرن لـَكِل حرفٍ لكم قافي له

تحياتي لكل المبدعين

زكي

[سفينة البحار]

الى كل من ينتمي لمذهب الحق
ويوالي عترة النبي الكرم:

شيعة حيدر وحيدر ابا الهه
شيعة حيدر وحيدر ابا الهه
شيعة حيدر وحيدر ابا الهه
تزل تركع تذل لابن الدعيه

لكم
تحيــــــــــــــــــــــــــــاتي