[ابو معاد النجفي]

بسم الله الرحمن الرحيم
الحمد لله الذي جَعَلَ الْحَمْدَ مفْتَاح اًلذِكْرِهِ وَخَلَقَ الأشْيَاءَ نَاطِقَةً بحَمْدِه وَشُكرِهِ
وَالصَّلاةُ وَالسَّلامُ عَلى نَبِيِّهِ مُحَمَّدالْمُشتَقِّ اسْمُهُ مِنْ اسْمِهِ الْمحْمُود
ِوَعَلى آلهِ الطَّاهِرينَ أُولِي الْمَكارِمِ وَالْجُوِد

ايا يبو فاضل عضيدي...ياكفـيـل العايـلـه

ياعظم هذا المصـاب...والعرش يهتـز الـه

ايا ياعينك ياعضـدي...وايـا ينبلـة حرملـه

روح ياخويه انطر دليلي...وانه مطـرور الدليـل

بالحزن واهات خويـه...ولابطل دمعي اليسيـل

للخيـم رديـت شايـل...بيدي الجـرح الثجيـل

بيش اواجه خبرة اختك...وانت ياخويـه جتيـل

لااختك ياخويه شكول...وهي بيك معلعله
تحملت هل الدنيه يمك...فوك هاي المعظله


ايا عينك ياعضدي...واياينبلة حرمله

من حضنته ابين اديه...رفرفت خويه بديـك

اخ خويه انه الكلتـه...وصار بيه الصار بيك

جني احس كلبي تكطع...وانحنى ظهري عليك

وين ضرغام الشريعه...الكال بالماي اعتنيـك

لا الجود ولا الكفيل... راح راعي المرجله
على الثرى مكطع جتيل...والانصار مكتله


ايا عينك ياعضيدي...واياينبلة حرمله

اشلون انام الليل خويه...وانته البعينـي تنـام

ماي ياخويه مرامـك...وخيبو هـذا المـرام

كطعو اليمنه ويسارك...وصرت مرتع للسهام

روحي هامت اعتنيـك...وبين اطفيـه الخيـام

هذا يومك يالكفيل...اهتزت اركان المله
الجفوف على التراب...والجسم ضل بالفله


ايا عينك ياعضيدي...وايا ينبلة حرمله

وهاي هاي اعظم مصيبه...شحال كلـب الوالديـن

شحال كلب اللي كفلتهـه...والدمـع غـرك العيـن

تصرخ وخويـه تنـادي...وينه عبـاس الحنيـن

راح حمـاي الشريعـه...خويه تصرخ ياحسيـن

من على الهودج تصيح...وين حادي القافله
خل ينزلني الكفلني... وانه الجنت امدلله


ايا عينك ياعضيدي...وايا ينبلة حرمله

ثكلـت اهمـوم العليـه...وزادة اهمومي البـلاء

بين من امشـي سبيـه...وبين اطفـال ونسـاء

وبين مهمومه بفكدكـم...وبين صرخات ونـداء

صوت صاح احنه انوليه...ارتجت اركان السمـاء

من سمع صوته الحسين...ياعضيدي يساله


صوت جبريل الامين...والدمع ضل يهمله

ايا عينـك ياعضـدي...وايـا ينبلـة حرملـه

الكطعو اجفوف من اديه...بهاي ياخويه اشتكـول

لا رعو نهج الرسالـه...ولا رعو كول الرسول

خلفـت بيكـم كتابـي...علـي واولاد البتـول

ذوله اصحاب السقيفـه...ذوله ماعدهـم اصـول

كفرو برب العباد...والرساله المرسله
بايعونه على الجهاد...وحاربونه بكربله


اياعينك ياعضيدي ...وايا ينبلة حرمله


اخوكم
ابو معاد النجفي

[البحرانية]

مشكووور اخي ابو معاد على المشاركة القيمة

يعطيك الف عافية


تقبل مروري وتحياااتي

[نسايم]

اللهمـ صلٍ على محمد وآلٍ محمد وعجٍل فرجهمـ واهلٍكـ اعدائهمـ ياكريمـ ...
بوركت اناملك الولائيه

احسنتمـ وجعلهـاللهـ في ميزآن حسناتكـ ...

اللهـ يعطيكـ العآفيهـ ...
ولا حرمنا الله من شفاعة اهل بيته الاطهار
بالتوفيـق .

[ابو معاد النجفي]

الاخت الفاضله
نسايم المحترمه
السلام عليكم ورحمة الله وبركاته
مروركم الكريم اسعدني واطرائكم الجميل
وفقكم الله لكل
خير
تحياتي
اخوكم
ابو معاذ النجفي

[ابو معاد النجفي]

الاخت الفاضله
البحرانيه المحترمه
السلام عليكم ورحمة الله وبركاته
مروركم الكريم اسعدني واطرائكم الجميل
وفقكم الله لكل
خير
تحياتي
اخوكم
ابو معاذ النجفي

[نور المستوحشين]

بانتظار المزيد

تحياااتي نور..