[القلب الاسير]

مولا ي تاج راسي حبيبي الغالي الطيب المبدع المتالق السيد
كريــــــــــــــــــ السعبري ـــــــــــــــــــــــــــــم
عرفتك مبدعاً فتالقت بك يا حبيبي
وراح اسالك سؤال .............. واتمنى ان تعطيني الجواب .
داخت شو زليخة بيوسف الصديق ..... من شافت جمالة ابين هاي الناس
وتشهد كل مرة ويأكد الفرعـــون .... من كصن اصابعهن بلاية احســاس
وبذاك الوكت شتكول يا مـــولاي .... شيكصن اذا مر بيهن العبـــــاس
الاقل
احمد رفيش

[كريم السعبري]

الاخ الغالي ابوحيدر
كبير الخلق كبير الشعر لايكتب اللوحه الشعريه ولاكن يرسمها نعم هذا احمد رفيش
اخي الغالي اليك ردي المتواضع
يكصن روسهن ومقصرات هواي
وكون اعضائهن كلهه اتكصص
لآن هو الشهم ولخوته وفاي
وزرع غيرت الدنيه بوسط الاكصص
السعبري

[القلب الاسير]

الله الله الله
مبدع والله ومتالق سيد كريم السعبري
موفق ان شاء الله

حبك يا علي بالروح والعين
خصك ربك انت الدين والعين
كلبي الي نبض بالام والعين ..... ع........... اللام ....ل ....
وجعلته سلاح حرف الياء الية
تحياتي وفائق مناي
الاقل
احمد رفيش

[كريم السعبري]

الحبيب الغالي ابو حيدر الورد
السلام عليكم
حب حيدر ابروحي شيد اهرام
وغصب عني كمت الهج باسمه
واذا موبسمه اردد ابد مانام
وكون اطبع عله الجفنين رسمه
السعبري

[القلب الاسير]

الك وردة ازرعتها بعيني يا مولاي ..... حتى دموع شوكي بلهفة ترويها
اذكرك بشتياقي بليلة لو ساعات .... يومية امر بيها انت مر بيها
خادمك
الاقل
احمد رفيش

[كريم السعبري]

الاخ الغالي احمد رفيش
السلام عليكم
ماعايفهه اني حته امرهه بشوك
موهيه التضمد جروحي والهم
اسئله للجبوري يعرف حكوك
اذا موهيه يكدر جرحي يلتم
تحياتي السعبري

[القلب الاسير]

شامل وي صادق سالوا اعليك ..... وتحيات وسلام بعيني شايلهن
تاج الراس صغناك احنه يا مولاي ..... عدنه ارواح اخذهن هاك واسحكهن
من الحلة تجينه والرسل بغداد ..... جمايلكم يسيد كلي شيردهن
خادمك
الصغير الاقل
احمد رفيش

[كريم السعبري]

الاخ الغالي الكبير الكبير احمد رفيش السلام عليكم
تدري بشامل وصادق عزيزين
ما بالغ اذا كتلك عيوني
افهملي كلامي يحمد رفيش
مثل ما حبكم انتم تحبوني
سلامي الكم وللبركي اوديه
يهزكم شوك بلكي وهم تجوني

تحياتي السعبري

[ابو ظاهر البركي !]

نجيك بحيل الله لابد بيوم
مثل ماشرفتنه والنه من جيت
الك بصمات سيد بين الظلوع
وي رياض من طبيتو للبيت
شوكت تكرروها وتفرح الروح
ويطبنه الخير سيد لون مريت


خادمكم
ابو ظاهر البركي

[كريم السعبري]

الاخ ابو ظاهر البركي كل الود وليس هذا الرد وسارد عليك لاحقا انشاء الله
اليوم اجي لبو صخير واخبر احمد رفيش ومايرد ارجو الجواب بسرعه
السعبري