[ابو ظاهر البركي !]

اقتباس : المشاركة الأصلية كتبت بواسطة نزار الفرج [ مشاهدة المشاركة ]

ياعلي شعري ابعلو صوته يصيح القصيدة الفصحه يعجز حالهه = يل المكًنطر بالفقـــــــار ابطالهه بلجي بالشعبي أصل وابغي المرام = وروحي منّي اتريد كل منوالهه ********************** ياعلي شعري ابعلو صوته يصيح = يبجي مثلي ايبلّل ابدمعه الضريح إنجان ضعفي ياعلي شعري الفصيح = هاي شعبيه اتحجي ابموالهه ********************** عادةْ المهوال لوهوَّسْ يصيب= يحط ايده عل الجرح لمّن يطيب والشعر لو ندب حيدر ما يخيب = الهوسه يا بو الحسن وابمهوالهه ****************** الشَّاعر ابجلماته من تلْجَحْ يذوبْ= اشلونْ يا ابو الحَسنْ لونــادم يتوبْ ابجاهكْ العند الله يغفْرلي الذُّنوبْ= آخْ من الِّلي رضه بأفْعـــــــــــالهه *************** مثلْ ثوبْ امسَّردْ إذنوبي شَروفْ= مستحيتْ امن اللِّذي فوكي ا ويشوفْ ريتني ابيّته اويه الحِجّاجْ اطوفْ= وارمي شيطــــان السَّعهه ابجتّالهه ************** ياعلي ياابو الصَّبرْ صبري قليلْ= شعري وآنه داخلْ ابخت الّدخيلْ جيتْ اعْثَرْ بالدَّمعْ همِّي ثِجيلْ= روحي يمَّكْ نــــــوَّخت بأحمالهه *************** اليومْ فرحه وآنه ياحيدر بجيتْ= وآنه يامه ابحضرتكْ جيتْ اونِخيتْ ابجاه أهلِ البيتْ وامشِّيدْ البيتْ= ابحجِّــــةْ الله والِّذي يسْعــــــاالهه ******* *************** اليوم اهوِّسْ هوستي ابعيدْ الغَديرْ= ياعلي واليوم عيد الله الجبيرْ يا خَليفةْ الّلي عشِكَْ خبز الشِّعيرْ= اوطلَّكَْ الدنية اوذهبهه اومالهه! ************ إكتبتْ بالفُصحهْ إلكْ عشرة او تزيدْ= ماأصلْ للّعُمري وابنْ الحَديدْ وآنه بالشَّعبي مثلْ صوت الرِّعيدْ= يهِّزْ روحي اوتنْتِشيْ بآمالهه *********** جيتْ متعنِّيكْ أظلْ يمَّكْ مُقيمْ= حضرتكْ جنَّةْ يبو احسينْ او نَعيمْ منهو للجنَّة او للنَّارْ القسيم!؟= وللمشاكلْ منـــــــو يا حلاَّلهه! ********** منو يحظرني انه ابيوم الحساب=غير حمّاي الحمه داحي الباب انت تحظر ياعلي ياابو تراب=تزيح عني اهموهه واهوالهه الشاعر ابو محسد </b></i>

يابو محسد طرزت باحلى الكلام = صورة حلوه وتنخه بيهه انت الامام
يهنيالك همت وباحلى هيام = بحب ابو الحسنين صح من كالهه
*********
شاعر انت جبير هالترسم رسم = وحبرك من دموع عينك ياشهم
كلنه ندعيلك يصاح بهالحلم = يحقق النفسك يخوية امالهه


ايها الاديب ابا محسد يشدني اليك شعرك
وفقكم الله وتقبل مني هذه المجارات الارتجاليه



اخوكم
ابو ظاهر البركي