السلام على اهل السلام
لجنة المنتدى العام .. جهود جباره في سبيل الحســــــــــين
فلكم الاجر و الثواب
يا حُســــين الـــواقع يكَول النُصول
تِنتِصر لو كَـِطــِّعَت روس الفحول
فقط دَمَّك لأن من دم الرسول
بكَربله كـــسَّر نُصولِ الحاقده
***
يا حسين ابكربله نورك ســـــطع
سيدي لولاك عرش الله نصدع
ودين طاهه ابدمك اليوم ارتفع
من رميته للســــمه ابجف الفِـــده
***
يا جبل ايمـــــــان يلســفحــك سمه
تحت ضـــــــــلهه الغيم يمطر مرحمه
مو عجــــــــــيبه و انته امك فاطمه
رحمة الله ابهــــــلــكيان امجـــــــسِده
***
سر خلودك يا وريث الانبيــــاء
دَمَّــك السال ابفضائات الفداء
كعبه بسمك اصبحت كل كربلاء
صومــــعه بكل العواصف صامده
***
انتَ افُقـــــك يا حسين ابلا حدود
باقي يا مـــــــــولاي من بعــد الخلود
نهـْـــــضِتَك ثـَبــِتـَت كل هذا الوجود
وااااااااااااهم البلدنيه قصدك حدده
***
يا حســــــــين العاطفه ثورة صلاح
نبثق داخـــــــــلـــنه و يصير انشراح
من خلالك صـــــارت الدمعه سلاح
ننتـــــــــصر بيهه على اسيوف الـِــرده
السلام على المرمل بالدماء
السلام على قتيل الادعياء
ديوان القصايد لليرومه اجريب
لاكن من يدخــله يكون يتوضه
الشعر محراب و الشاعر بلا تشبيه
مثل مرسل خصوصاً كاتب الومضه
****
الشعر لحســـين والشاعر اذا يقراه
تسمعله الزجيه و علنبي تعرضه
يكللهه الرسول انطيه صك مختوم
بالدنيه موفق و الــــجنان ارضه
و اليكتب قصيده وما ذكرهه الآل
يوم الحشر لا بد ينسمـــــط حظه !!
****
يا احسن طبيب و تربتك مطياب
و احنه ابباب دارك سيدي مرضه
مطلبنه الوحيد الما نبدله ابمال
يحسين اعله شيعة والدك ترضه
انا اتشرف ان اكون خادماً لخدام الزهراء
اسأل الباري ان يتقبل منا و منكم صالح الاعمال
ايام ولاء و دموع .. ولا بد ان يستجيب الباري
دعواتنا في رحاب الزهراء و ابناء الزهراء
حياكم الله تعالى
أصبح اليوم الذي قتل فيه الحسين بن علي وهو العاشر من محرم يوم حداد ونواح عند المسلمين ففي مثل هذا اليوم من كل عام تمثل مأساة النضال الباسل والحدث المفجع الذي وقع للإمام الشهيد وغدت كربلاء من الأماكن المقدسة في العالم، وأصبح يوم كربلاء وثأر الحسين صيحة الاستنفار في مناهضة الظلم