[وجدي الجاف]

السلام على رهين السجون المقيد بالسلاسل
السلام على مولانا باب الحوائج موسى ابن جعفر الكاظم (ع)
هذه قصيدة مشتركة بيني وبين الاستاذ الكبير رحيم النجار
وفقنا لها في استشهاد الامام الكاظم (ع) هذه السنة
نسأل من الله تعالى أن يتقبلها ويتقبل أعمالكم
ونسألكم الدعاء





واإماماه - واشهيداه - واسجيناه



سـيــدي الـلـيـلـة إجـيـنـه - انسيل دمّ عله الوجن
ولــمـصـابــك يـا ولـيـنه - كـلوبـنـه كلهـه حـزن
يــا سجيـن الماكـو مثلك - مـنهـو لجـلـك ما يون
عليك نبــجي بــالـونـيـن -- يالكضيت ابهم سجين
انواسي امّك فاطمة
واإماماه - واشهيداه - واسجيناه



سهــم فكـدك تدري بـينه - بالكـلـب والله مـضـــه
نرفض البــاطـل وظـلمه - ولــقـّبـونه الــرافـضه
فـدوه كـلنه انروح كلـنه - كلـنـه الك يابو الرضه
إجبودنه تسعر جمـــر -- عليك يالتسوه العمر
آ يبن حامي الحمة
واإمامه - واشهيداه - واسجيناه



مـرمـروك ابسجـن أظـلـم - شنهو ذنـبـك يالـولي
وانته ابن فاطمة الزهـرة - والفحــل حـيـدر علي
كـون سم جـبدك نجرعـه - المـنـّه ظلـّت تصطلي
كون كيْدونه بحديد -- ولا يكيْدك يالعجيد
نارك اتظل مضرمه
واإماماه - واشهيداه - واسجيناه



يـا كظـيــم الغـيـظ إنـتـــه - يلـّي نــورك مـا إفــل
نــور وايضــوّي عـليـنـه - آ يـبـن خـيـر الـعـمـل
إنـتــه حـيّ ولـســه باقـي - السمّك الصابه الأجل
اليوم كوخك ذاك صار -- صار للعالم مزار
هـــوّه ضــــوّه للسمه
واإماماه - واشهيداه - واسجيناه



كـيّـدوك بهـــالسـلاســــل - حته عــالذل ننتصر
دمّك مــن المتـــن يجـري - حتـّه منـــملّ الصبر
اكضيت بالسم حتـّه إحنه - انعيش بالعزة العمر
بالظلام ابهــم كضيــــت -- بالعمر دينك شريت
حتـّه تخسه الظالمه
واإماماه - واشهيداه - واسجيناه



كــلكم ابــســمّ وجـــــتــل - بـيـــد أرذال الـمـلـه
والمـصـاب الأشد واعظم - صـار تـدري بكربله
حسين راسه انكطع منّـه - وبعده سبي العـايله
وحركوا عليهه الخـيـم -- وظلت بضيم وألم
إيسيل من عدهه الدمه
واإماماه - واشهيداه - واسجيناه