بسم الله الرحمن الرحيم.
لسان حال كل مغترب عن وطنه كتبتها في ارض الشتات
شردْ أحاﭽيك أوشـﮔول أوبيش أوصف هآلوضع
دارت أعلينه الــدواير وأجــرت بينه الــسيــوف
أوكثرةْ اعوان الضـلاله أبكل مـﭽـان أمــوغـلــه
أرتفعـت أعلام الـمـظالـم والـمقـامـع والـحتـوف
أرض الألـهْ الـواسعـه أصبـحـت معـقـل للـبـشـر
بيـهه مـمـنوع التـجول دَنيا صـارت كلهه خوف
أليـدحـر الـمنـكـر أكـيـد ألْسـجـنـه لابــد يـرتـحـل
أومـطامـيـر الـسجـون أكْـتضـت أبـهاي الألــوف
دارت الـدنيـا أبـرحاهه أوصـارت أبصالح يـزيـد
مثل مـاخـانت حسيـن أوغـدهَ حـايـر بالـطـفـوف
ثـﮔـلت أهموم الـعلينه أو مـاظن أتخف أو تزول
نـﮔـعدْ أبـهمـنه أونـﮔـوم أو يمتهَ للموطن نشوف
أبكل مﭽـان أمـطشرين أبغـربه صرنـه أمهجرين
نـحلم أبشوفـةْ ضريـحك نرجع أبصحنـك نطـوف
وأسمانه سودهَ أمـدلهمه ما صحت يوم أوصفت
من ايـدْ ظـالـم لـعـدْ ظـالـم يـاهـو الـبيـنه يـروف
والـجـرح لابـد يلـتئـمْ بسمـتنـه لابـد مـا تـعـــود
وآنـتهَ تـدرينهَ يـغالــي ألْـحـبـك أبـداً مـا نـعـوف
نصحهَ وآنْـام آعـله حـبـك يآبوحسـين أبهالغرب
يـمتهَ نـرجـع للأهـل نـﮔـصـد الـمـرقــد زحــوف
هـمْ تـعود الـجَـمْعَـهَ ذيجـهَ أوكلنه نلتم من جـديد
نـرتـمي كلْـنهَ أبْضـريـحـك كـلْـنهَ يـاحيدرضيوف
أخوكم:
حيدر الناصري
((لسان حال كل مغترب عن وطنه الى أمير المؤمنين(ع) ))
العرض الشجري