[عدنان منعم]

ياحبيب الله محمد .. كل غصن بالدنيه ورد
البدايه .. والنهايه .. يامحمد
لو مانورك للابد نبــــــــــــــــقى عبيد
وجاملك هالكـــــــــــــون مروان ويزيد
يلي حبك يســــــــــــري وي دم الوريد
واحنه عن دربك ابد لامانـــــــــــــحيد
يااملنه ويافخرنه .. فدوه وليومك عمرنه
البدايه .. والنهايه .. يامحمد
ياابو الزهراء ميــــــــــــــــــلادك امل
وبس محبتك ســـــــــــيدي خير العمل
انته نور وابد لحـــــــــــــــــظه ماافل
يلي نهجك حـــــــــطم عروش الجهل
حطمت عرش الجهل .. يلي نورك ماافل
البدايه .. والنهايه .. يامحمد
ياحبيب الباري والباري اصـــــطفاك
مانبي ومرسل تره يوصــــــل علاك
والصـــــــــــميده الرافع بـــعزه لواك
واحنه حد الـــــــــــموت ياطه وراك
يانبينه وياولينه .. بشخصك نبايع علينه
البدايه .. والنهايه .. يامحمد
ياابو القاسم رضعنه محــــــبتك
رايد بكل لحظه الثم عتبــــــــــتك
طلب عنـــدي رايد انظر كـــــــبتك
واهتف بصحنك واســــمع العادتك
تبقى غايتنه محمد .. يارسول الله الامجد
البدايه .. والنهايه .. يامحمد
اهتف بكل لحظه ياطه الامـــــــــين
ياابو الزهر الك دوم الحــــــــــــنين
مالي حــــــيل زيارتك وبكل حين
اكصد بلوعه لعد صحن الحــــسين
حسين منك وانته منه .. تعنه يلناشدت عنه
البدايه .. والنهايه .. يامحمد
انته ابونه ومانعوفك مستــــــحيل
يارســــــــــــــــول الله يالب الدليل
وياك نبقى وعن طريــــقك مانميل
يلي بمحبتك دخل بس الاصـــــيل
انته للحبك امانه .. وبالحشر تبقى ظمانه
البدايه .. والنهايه .. يامحمد
خادم الحسين .. عدنان منعم