[عدنان منعم]

هاي مدرسة الطفوف 0وعميه عينه المايشوف
بيها عباس الدرس 0ودرسه يمشي وي النفس
درس عباس غيره وغيرته شراعه
ودرس حســــــين ابدا لحظه ماباعه
شرحه بــــــس كرامه وللولي طاعه
وتشهد عالشــــــــــريعه تشهد ذراعه
الكربله تعنه ودشوف 0 وعميه عينه المايشوف
درس معروف من حيدر علي ساسه
درس عباس هذا المابـــــــــشر قاسه
ضـــحه بروحه رايد يروي كل ناسه
وبقئ نبـــــراس شامخ عالرمح راسه
راسه شامخ عالالوف 0 وعميه عينه المايشوف
بس وادي الطـــــــفوف يخرج الاحرار
مدرسة الصـــــــــــميده وشاهد التمار
تخرجنه وصــــــــــــــبحنه شيعتة الثوار
مراجلنه مراجل صحــــــــــــــبته الانصار
بكربله لازم نطوف 0 وعميه عينه المايشوف



يظل وادي الطفـــــوف الغيره عنوانه
وبركانه الروافض يطـــــــــــــك بركانه
عباس وحسين الحــــــــــــــــــــيد اركانه
وعنوانه الشـــــــــــــــريعه وقبلة احسانه
ابد ماهاب الحتوف 0 وعميه عينه المايشوف
تعلــــــــــــــــــــمنه المدارس جنه دور ودار
وفواصل بالكرامه ومعـــــــــــــــدن الاصرار
يل درسك اصــــــــــــــــــــول الدنيه يامغوار
ويصير الرافضــــــــــــــــــــي عالعده شلة نار
بالعده الشيعي يحوف 0 وعميه عينه المايشوف
نظل طلاب مدرســـــــــــــــــتك نظل سنين
ودير المدرسه قائدنه يبقئ حـــــــــــــــــسين
المناحر ترخــــــــــــــص وسالم يظل الدين
من نهجك تعلمنــــــــــــــــــــــه يظي العين
ابد مابينه اليعوف 0 وعميه عينه المايشوف

خادم الحسين 00عدنان عبد المنعم