[الشاعر سعيد الفتلاوي]

قصيدة / كعبة الاحرار

,,,,,,,,,,,,,,,,,,,,,,,,,,,,,
,,,,,,,,,,,,,,,,,

كعبه الاحرار تبقه كربله
وتبقه آيه وْمضرب الامثالها

,,,,,,,,,,,,,,,,,,,,,,

نلطم احنه لكربله في كل زمن
هاي ارض البيها الوان المحن
تْحولت بحسين الى جنة عدن
لوله دم حسين ماصح حالها

,,,,,,,,,,,,,,,,,,,,,,

نلطم احنه للابد لمصابها
ونوگف بْاجلال كلنه بْابها
كربله الهالساعه بينه صوابها
يوم والله مانسينه ابطالها

,,,,,,,,,,,,,,,,,,,,,,

نوصلچ يكربله وْ حي دارچ
نقصد احنه باللطم لبرارچ
فتوى تصدر بالحُرُم اعدائچ
تْرد عليهم بالجواب اشبالها

,,,,,,,,,,,,,,,,,,,,,,

راية تحمل بالمسير احرارچ
راية العباس بيها اسرارچ
سر الهي من تشع بانوارچ
راية الانوار تعله بجالها

,,,,,,,,,,,,,,,,,,,,,,

نفدي اجينه من نزور ارواحنه
وْننذر احنه للحسين اعمارنه
مايهمنه من يعادي افكارنه
شيعة الكرارهاي رْجالها

....................................
......................

خادم اهل البيت ( ع )
الشاعر الحسيني
سعيد الفتلاوي الطويرجاوي