[ميثم الرماحي]

اذا رايد عراق بلون الورود ............. لازم ننزع ثياب الماســــــي
واذا رايد سياسي يغيرالحال.......... بس الشاعر اليصلح سياســـــي
لأن يوكف بيوم يخاطب الناس ......... ويكعد الناس كلهه عللكراسي
المفروض السياسي يقره الكلوب. ...... مو يقره كتب والكلب قاسي
باسماء اليتامه تارس الجيب .......... موبالجيب شايل ست جناسـي
واذا يلعب فريقه بملعب الغير ......... للملعب يجي وميكول ناســـي
حته يبدل ابن الجان سلطان..............وابن العامل يدخله اساســـي
واذا يطرح فكرته يكون جوعان .......حته الفكره يستوعبهه راسي
ولازم ثوره يعلن عالنجاجير.............حته انعيش دوله بلا كراسي
واذا رييسنه شاعر يصبح بيوم..........وعلي بيومين ينهي الطائفيه
لئن وكت القصايد ظهره مكسور ........... وما يقتنع بس بالجودليه
واذا رييسنه شاعر يصبح بيوم..... .........بعد هيهات نسأل عالهويه
لئن يصعد الكرسي بسيف ابو حسين .....مايصعد على ظلوع الزجيه
واذا شايف اليتيم بيوم جوعان .. .......... يطش الشعر يمه واهليه
برحات الشعر بس يطحن شعير .... ..... يطلع خبز كله شاعريه