[القلب الاسير]

يلومون الوطن ليش الشعب مجروح *** وكــــــل الخير بيه ومــــا يداوينـه

ويلومون الوطن ليش بوضع تعبـان *** وغَيِم من القهر بس يمطر أعلينـــه

ويدرون الـــوطن بيه اطهر الرايات *** بسم اللــه صعد نَـــــوَرْ ميادينـــه

شعليه الوطن دوم الوطن مالــوم *** وما لمنه نفسنه بيــــوم وأحجينـــه

بيتك لو شفت فــد يـوم راد يطيـح *** تتحزم تكوم وتبنــي كــــل طينه

مو هذا الـــوطن بابـه مضيفك دوم *** تقبل تنكسر بــــــــي كل فناجينه

تدري بهالـــوطن عم خيرة للجوعان *** ونشبع من لذيـــــذه ابكل دواوينه

موهذا الــوطن انهارة كلها ادمــوع *** لجل ما تعطش ورودة وبســـــاتينـه

تدري بهالـوطن من كـل شتا بردان *** ويلف ذرعانة وبحضنــــه يدفينـــــه

مو هــــذا الــــوطن عباس اثمر بيه *** كـلــــه الـواح غِيرة وسكَه من عينه

مـو هذا الوطن مدفـون بيه حســين *** واتــوســــد ترابــه وعطرة جبينه

وكلي ياوطن بي فارس الإســـــــلام *** حيدر مرتضـــــــى وكـرار حامينه

وكلي ياوطن بي صرخة أهـل البيت *** وتصرخ كــــاعة جاوينك يمهدينـــه

وكلي ياوطــــن بالغيرة يعـركَـ دوم *** وتسهر عينه لينــه بكـــل ليـالينه

وكلي ياوطــــن بدموعه يبني غيـوم *** ويمطر غايته ويغســل صــواوينـــه

وكلي ياوطــــن يبجي على المظلـوم *** ويواسي دمعته بلـــوعـــة اسنينه

وكلي ياوطــــــــن بترابه يزرع مـاي *** ومن خيره ينز انه بســــواجينـــه

عفة كلب الوطـن واشاف من هالناس *** نبيعة احنة بملامة بدمعة يشرينة

بس احنة التجاهلنـــة الحقــائـق دوم *** وسفة انتيه بيهـــا وغفله تعمينــه

وسفة اعلى العراق ادوسة هاي ارجاس *** ومن عدها الحجي يصحح محاجينـــه

وضل هذا الوطن يبجي بدمع مذبــوح *** ونعاتب كل ضمير الساكت ونينـــه

انهض ياشعب وانفـض تراب البيـــك *** وســـل نــور الشمس وبزود والينـه

وأنـــوحد الصفـــوف ونشبكـ الجفيــن *** بجفــــوف الوطــن وسيوف جفيــنه

ونصرخ احنة ولد الحيد ابو الحســنين **** أحنة أهل العراق ونحمي عن دِينـــه

********

خادم اهل البيت عليهم السلام

الاقل

احمد رفيش

2002