[ابو ظاهر البركي !]

جائني احد الطلاب وطلب مني قصيده عن الام
ومع الاسف ارى معظم الشعراء يبخلون على ألأم بقصائدهم وانا من ضمنهم
فلم اكتب اي شيء عن الام سوى بعض الابيات
وخفت ان اكسر بخاطر ذلك الطالب الذي اراد ان يلقيهى في احتفاليه في المدرسه
فكتبت له :

محراب الامومه

يانبع المحنه الماهدأ يوم

يادفتر سوالف كلهه رحمه

ينور العين اشوفن بيج دنياي

وخلافج حياتي كلهه ظلمه

ينور البيت انتي البي تشعين

ياعطر الجنان البيج اشمه

يروح الروح ياسباح الكلوب

يابسمة حياتي واحلى بسمه

شمااكبر اضل اشتاك ليديج

واضل اشتاك جفج دوم الثمه

احسن بي رضا الباري وعطايا

واشوف الجنه بجدامج ييمه

لسه الحان صوتج من تلولين

بمحراب الامومه كبالي رسمه

واتذكر ليالي بيها تبجين

ودعاء النه بوكتها مانفهمه

سبحان العزيز شكثر مطيج

محنه وللمحنه صرتي قمه

ييمه من ازورن انتي وياي

وبأول دعائي صرتي انتي

انتي اول بكلشي بالعبادات

ومطلع كل قصيده انتي صرتي

انتي القافيه وباول البيت

واخرها القصيده انتي قفلتي

يعني مسيجه اشعاري بعبارات

امي سياج شعري وبي كعدتي

خادم اهل البيت

ابو ظاهر البركي