[مرتضى شكر]

يامسهل ياالله
في رثاء العقيله زينب(ع) الشاعر:مرتضى شكر
زينب إمن أمها - ثورة عزمها
ورثت إثياب الأحزان - والثوره ضد الطغيان
من نار المها - ثورة عزمها
***************************
إســــتارثت زينب دمع حزن الزهـره
من زغر ســـنها إتربت إعله العـبره
من هجمـــت أعله الدارگوم ا لغــدره
من كسر ضلع أمها أوجنين أوسطره
عايشت يانار - من هجمت الدار
شافت إببسمارالباب - صدرالرساله إمن إنصاب
ترجمت همها - ثورة عزمها
--------------------------------1
أم الخــــــدرعاشـــــت إســـــــنين الألام
ويه الزچــــــــــيه أمــها أعــله مرالأيام
أوشاهــــدت ثورتها أعــله جورالحــكام
عن حـــق عـلــي حاربت ظـــلم الظـــلام
عن الولايه - إترتل الأيه
حاربت 񏦑گـوم الغــــايات - إبصرخة صريح الآيات
لاوت خصمهــا - ثورة عزمها
-------------------------------------2
إببيــت الأحزان إفصــول هم عاشــتها
زينب أويه الزهــــره إبزمــن محــنتها
من دمعــــة أمـها تســــتمد دمعـــــتها
وإثيــــاب حـــزن إســـنينها لبســــتها
هم ألم ونها - أوجمرة حزنها
بهمومها إتواسي إهموم - گلب الزچيه المالوم
أودمعة يتمها - ثورة عزمها
-------------------------------------3
رضعـــــت صبر زهرة محمد زينـــب
قلعـــة إبه منــها المصــــايب تتعـــب
خلطـــت الدمعـــات إبجمـرها اليلهب
لبــــوة علي إبدنــيا المــلاحم كوكب
قلعة صبرها - عندك خبرها
مابين غدران الدم - تتراكض أونارالهم
ترسم جدمها - ثورة عزمها
-----------------------------------4
هاي العقيـــله إتحـدت أشـــرس عدوان
بالغاضـــريه أوصــرخة الحگ عنــوان
الســـان الفصـاحه الحيدريه إلها إلسان
وإبـــدم ضـــحاياهــــا تشـــضت بركان
بالكوفه والشام - تنقل الأيام
إتحدت شرورإبن إزياد - وإيزيد ذاك الجلاد
ذلت صنمها - ثورة عزمها
---------------------------------------5
إبأرث الرساله إتحدت إجيوش الشر
إبعــــزم الزچــــيه وإبفصـاحة حيدر
بلســــان حق دحــرت يزيــد المنــكر
إحـــنه الهـــدايه الدهــر بينه إتنـور
اللبوه إبيسرها - تكتب نصرها
فضحت الدس والأوهام - تتحدى طاغوت الشام
العتره إبقيمها - ثورة عزمها
-----------------------------------6
رادت رقــــــيه ماتحـــس بالغــــربه
عنـــها ترد ظلمة الوحشـــه الصعبه
تنــدفن يم طفـــلة أخـــوها الرغــبه
مثــــواها للــــزوار أصــــبح كعــبه
إبدار آل أميه - صرح القضيه
لنصرالمبادئ رايات - بالشام بأرض الويلات
يخفگ علمها - ثورة عزمها
-----------------------------------7
زينـــب الحــره أصبحت للحگ صرح - إبديرة الظــــالم ترف بيـــرغ فتــح
نصــر صاغت من نزف ذاك الجــــرح - شـــــعت أنوار الهـــدايه إجروحها
-----------------------------1
عن رقيه مارضت زينب تروح - أوتبعد أم الخدرعن لبة الروح
إتعوف طفله إعله الأبوإتون إوتنوح - أوماتشاركها العقيله إبنوحها
-----------------------------2
إتعوفها مارضت بديار الغرب - طفلة إحسين إبمدامعها التصب
بين نار أحزانها أونارالكلب - صارت الحره تجاذب روحها
-----------------------------3
بيها وصاها الحسين إبكربله - وإنتي بأرض الطف كفلتي العايله
لاتعـــوفيها إبغــــربها إموجله - يالأخــــت لاهــم إخلافي إيلوحها
--------------------------------4
وفت إحسين الوصيه أومارضت - تندفن بأرض المدينه إتغربت
يم رقيه صرح للحگ شيدت - بأرض طاغي الشام يصبح دوحها
----------------------------5
الأحد14/رجب المعظم/1431هـ المصادف 27/6/2010م
النجـــــــــــــــــــف الأشـــــــــــــــــرف