[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

إوداعة الله ياحسين
ــــــــــــــــــــــــــــــــــــــــــــــــــ ـــــــــ
إوداعة الله ياحبيبي == إوداعة الله ياحسين
صار الحزن دومه نصيبي == إوداعة الله ياحسين
إنتَ الدُوَه وإنتَ طبيبي == إوداعة الله ياحسين
ربي الخِلَق هُوّ حسيبي == إوداعة الله ياحسين
ــــــــــــ
إوداعة الله راح أعوفك == إوداعة الله ياحسين
خويه بعد ما راح أشوفك == إوداعة الله ياحسين
أبقه إو أظل بس بطيوفك == إوداعة الله ياحسين
بس هَلْمِسَه إحنه ضيوفك == إوداعة الله ياحسين
ـــــــــــــ
نادي الشهم ذاكَ كفيلي == إوداعة الله ياحسين
يرفع لواء الحق يجيلي == إوداعة الله ياحسين
ياخذ ضَعَنّه وإبعويلي == إوداعة الله ياحسين
لأرض المدينه يادليلي == إوداعة الله ياحسين
ــــــــــــــ
نمشي نروح إو بالمدينه == إوداعة الله ياحسين
مأتم يبو اليمه نقيمه == إوداعة الله ياحسين
وأشرح عظم ذيج الهظيمه == إوداعة الله ياحسين
تحضر عزانه كل يتيمه == إوداعة الله ياحسين
ــــــــــــــــ
ياخويه يَمْرافُق حياتي == إوداعة الله ياحسين
ما أنسه يومك حد مماتي == إوداعة الله ياحسين
بس بالصبر مَنْهَز ثباتي == إوداعة الله ياحسين
ناري علت وإبكل جهاتي == إوداعة الله ياحسين
ــــــــــــــ
ياخويه أبقه وإبدموعي == إوداعة الله ياحسين
أبقه إبألم وأطفي شموعي == إوداعة الله ياحسين
يَمّك يبو اليمه خشوعي == إوداعة الله ياحسين
قلبي يشب يكسر ضلوعي == إوداعة الله ياحسين
ــــــــــــــــــــــــــــــــــــــــــــــــــ ـــــــــــ
مع تحيات شاعر اهل البيت / جابر النجفي
يمكنكم سماع القصيده بصوت الرادود ابو كرار العراقي على الرابط التالي
http://www.wlidk.net/dldnSp67748.mp3.html