[باسم سعد]

للامام الحسين عليه السلام


---

--

راس حسين ينعه الجسم بدموعه -- وجسمه ونتّه امن النحر مسموعه

----

بده الراس ايتكلم والدموع ادموم -- ياجسمي افصلونه شالسبب هالگوم

عنك عالرمح وجهي ابضرب موسوم -- وسموني ابعصيهم حيل وبلوعه

---

يجسمي ابجبهتي بالحجر ضربوني -- ابشده والدمه ينزف على اعيوني

آنه اعله الرمح والعده اتولوني -- عسى ايمين الرمتني ابحجر مگطوعه

----

يرد الجسم حسره اتفسر الصخره -- ودمعاته يهلها من دمه نحره

يراسي اتعيفني مطروح عالغبره -- دربي اشلون اوچده وطافيه اشموعه

----

يراسي الشمر فوگ الصدر گام ايحز -- واعظامي المكسره امن الضلوع اتفز

چي لني طعين ابچبدتي وعاجز -- چبدتي بالمثلث نصها منزوعه

----

يراسي اشذنب اصبعي انگطع بالحربه -- وخيل الكسّرت صدري شنو ذنبه

يراسي والگلب مايحمل اتعتبه -- شرايينه متحمل قسوة اللوعه

-----

ظل الجسم من نحره يون وبچاه -- من دم الوريد الدمع ليه ابداه

يوميله اعله ظهره ايگله أي مناه -- يراسي النبله بين الخرز موضوعه

---

ردله الراس من ابرمح شالوني -- يالموذر عليك امشوبحه اعيوني

بچيت وحسبت ماظن يردوني -- يمك والسهام البيك مزروعه

----

ماظن نجتمع يالجسم الله اوياك -- ماشي ابعيد عنك شايليني اعداك

منهو اللي يردنه أو وين چا الگاك -- ياجسمي البصدره امكسره اضلوعه

[nad-ali]

السلام عليك يا سيدي يا ابا عبد الله الحسين
والسلام على الارواح التي حلت بفنائك
واناخت برحلك ورحمة الله وبركاته

مشكور اخي الكريم على البيات الجميلة
في ميزان حسناتك

[الشاعر333]

بوركت الانامل الولائية
على الكلام الجواهر والمعطر بذكر
من اذهب الله عنهم الرجس وطهرهم تطهيرا

[قوافي الأيثار]

احسنت وبارك الله فيك ايها الخادم الحسيني ان شاء الله في سجل حسناتكم وبارك الله فيكم مرة اخرى

[الناقد]

تنقل الى قسم الشعر الشعبي

[كريم السعبري]

باسم السعد السلام عليكم
اتمنى الخير كل الخير لكم ومفق انشاء الله
تحياتي السعبري

[ابوتكتم الخير]

باسم السعد
إختيارك يدل على ذوق رفيع
أحسنت على هذا النقل
وجزى الله شاعرها السيد عدنان الحمامي كل خير
تحياتي

[أبو محمد علي الفياض]

اللهم صل على محمد وال محمد السلام عليكم اخي باسم

ورد عن أهل البيت(عليهم السلام) ما مضمونه : من قال فينا بيتا من الشعر فله بيتا في الجنة...موفقين